كوروناۆيرۋسقا قارسى 400 ميلليون دوزا ۆاكسينا يتاليا، گەرمانيا، فرانسيا جانە نيدەرلاندىعا جەتكىزىلەدى
العاشقى جەتكىزىلىم 2020 -جىلدىڭ سوڭىنا دەيىن جاسالادى. بۇل تۋرالى قازاقپارات The Independent باسىلىمىنا سىلتەمە جاساپ حابارلايدى.
فارماتسيەۆتيكالىق كومپانيا قازىرگى ۋاقىتتا سىناقتان وتكىزىلىپ جاتقان ەكپەنى وكسفورد ۋنيۆەرسيتەتى دايىنداعانىن ءمالىم ەتتى.
AstraZeneca پاندەميا كەزىندە ەكپەنى ۇستىنەن پايدا كورمەي جەتكىزەتىنىن اتاپ ءوتتى. ەكپەنىڭ العاشقى پارتياسى وسى جىلدىڭ سوڭىنا دەيىن كەلۋى ءتيىس. بۇل تۋرالى سەنبى كۇنى يتاليانىڭ دەنساۋلىق ساقتاۋ ءمينيسترى روبەرتو سپەرانتسا Facebook پاراقشاسىندا جازدى. كومپانيا 2 ميلليارد ەكپە دوزاسىن ءوندىرۋ بويىنشا ءوز مىندەتىن ورىنداۋ ءۇشىن الەمنىڭ بارلىق ەلىمەن كەلىسىمشارتقا وتىرۋعا كەلىستى.
بەلگىلى بولعانداي، ەكى كاسىپورىندى بيلل گەيتس قولداعان، سونداي- اق ا ق ش ۇكىمەتىمەن 1,2 ميلليارد دوللارعا كەلىسىم جاسالعان. قازىرگى ۋاقىتتا Covid-19-عا قارسى بەكىتىلگەن ەكپە نەمەسە ءدارى جوق، ءبىراق الەمدە ءبىرقاتار سىناما جۇرگىزىلىپ جاتىر. ساۋىردە ۇلى بريتانيادا وكسفورد ۋنيۆەرسيتەتىنىڭ ەكپەسىن ەرىكتى ادامدارعا سىناقتان وتكىزۋ باستالدى. سىناققا 18-55 جاس ارالىعىنداعى 1000 ادام قاتىستى. وتكەن ايدا سىناۋعا 10000 ەرىكتى تارتىلىپ، جاڭا كەزەڭى باستالدى.
