دوللار باعامى 400 تەڭگەدەن تومەندەدى

نۇر- سۇلتان. قازاقپارات - KASE- دە دوللار باعامى ناۋرىز ايىنان بەرى ءبىرىنشى رەت 400 تەڭگەدەن تومەن ءتۇستى، دەپ حابارلايدى قازاقپارات قازاقستان قور بيرجاسىنا سىلتەمە جاساپ.

تاڭەرتەڭگى سەسسيانىڭ قورىتىندىلارى بويىنشا، KASE- دە دوللاردىڭ ورتاشا باعامى 396,77 تەڭگەنى قۇرادى.

بۇل الدىڭعى كۇن كەشىنە قاراعاندا 5,5 تەڭگەگە از: بۇل كۇنى امەريكالىق ۆاليۋتا 402,27 تەڭگەگە ساتىلعان.

اتاپ وتەيىك، قازاقستاندا وسىنداي كورسەتكىشتەر سوڭعى رەت ناۋرىز ايىندا بەلگىلەنگەن.

Kurs.kz مالىمەتىنشە، الماتى قالاسىنىڭ ۆاليۋتا ايىرباستاۋ پۋنكتەرىندە دوللار 399-404 تەڭگەگە ساتىلىپ، 395-400 تەڭگەگە ساتىپ الىنۋدا.