14:55, 21 - مامىر 2020 | GMT +5
ب ق و-دا 400 دەن اسا كيىك ءمۇيىزىن الىپ بارا جاتقان براكونەرلەر ۇستالدى
نۇر-سۇلتان. قازاقپارات - باتىس قازاقستاندا «كيىك» جەدەل ىزدەستىرۋ شاراسى كەزىندە تابيعات ينسپەكتورلارى ەكى كولىككە مىنگەن براكونەرلەردى ۇستادى، دەپ حابارلايدى قازاقپارات ءتىلشىسى.
«2020 -جىلدىڭ 18-مامىرىندا ارنايى «كيىك» جەدەل ىزدەستىرۋ شاراسى بارىسىندا كيىك اۋلاپ، دەريۆاتتاردىڭ زاڭسىز اينالىمىمەن اينالىسقان باتىس قازاقستاننىڭ ءتورت ازاماتى ۇستالدى. وپەراتسيا كەزىندە رەسەيلىك «نيسسان»، «نيۆا شيەۆرولە» كولىكتەرىنەن كيىكتىڭ 434 ءمۇيىزى، موتوتسيكل، 5 قارۋ (ىشىندە وپتيكامەن كوزدەپ اتاتىنى دا بار)، ءارتۇرلى كاليبرلى 293 پاترون، تۇندە كورە الاتىن قۇرىلعى، راديستانسيالار، GPS ناۆيگاتور، 7 موبيلدى تەلەفون مەن 2 پلانشەت، ارا مەن پىشاق، تاعى باسقا زاتتار تابىلدى»، - دەپ جازادى ساكەن دىلداحمەت.
اتالمىش فاكت بويىنشا ق ر قىلمىستىق كودەكسىنىڭ 339-بابى بويىنشا سوتقا دەيىنگى تەرگەۋ امالدارى جۇرگىزىلىپ جاتىر.
ايتا كەتەرلىگى، 15-ساۋىردەن باستاپ قازاقستاندا براكونەرلىككە قارسى «كيىك» اتتى كەڭ اۋقىمدى اكسيا جۇرگىزىلىپ جاتىر.
