جۇمىسسىز قازاقستاندىقتار قۇنى 400 دوللارلىق كۋرستى تەگىن وقيدى

«ق ر ەڭبەك جانە حالىقتى الەۋمەتتىك قورعاۋ مينيسترلىگى توتەنشە جاعداي رەجيمىنىڭ ەنگىزىلگەنىنە بايلانىستى Coursera جاپپاي ونلاين ءبىلىم بەرۋ پلاتفورماسىمەن كەلىسىمگە كەلىپ، حالىقتى جۇمىسپەن قامتۋ ورتالىقتارىندا ەسەپتە تۇرعان جۇمىسسىزدار ءۇشىن قاجەتتى داعدىلار مەن ماماندىقتار بويىنشا ونلاين- رەجيمدە كۋرستاردان ءوتۋ مۇمكىندىگىنە قول جەتكىزدى. اقىلى نەگىزدە ءبىر كۋرس بويىنشا وقىتۋ شامامەن 400 ا ق ش دوللارى تۇرادى. الايدا قول جەتكىزىلگەن كەلىسىم اياسىندا جۇمىسسىز قازاقستاندىقتارعا بۇل مۇمكىندىك تەگىن بەرىلەدى»، - دەلىنگەن اتالعان مينيسترلىك تاراتقان اقپاراتتا.

ۆەدومستۆو مالىمەتىنشە، جوبا اياسىندا ازاماتتار 298 كۋرس بويىنشا ءبىلىم الا الادى. IT، گۋمانيتارلىق عىلىمدار، ەكونوميكا، فيزيكا، مەديتسينا، كاسىپكەرلىك، ماركەتينگ سىندى باعىتتار بويىنشا وقۋعا بولادى. كۋرستاردىڭ ۇزاقتىعى 6 دان 10 اپتاعا دەيىن سوزىلادى. كۋرستار تاپسىرمالاردان، اپتالىق جاتتىعۋلاردان جانە كەيدە قورىتىندى جوبادان نەمەسە ەمتيحاننان تۇرادى.

«پاندەمياعا بايلانىستى بۇكىل الەمدە سيفرلىق تەحنولوگيالار، ونىڭ ىشىندە ونلاين- ءبىلىم دە كەڭىنەن تارالۋدا. قازاقستاندىقتار دا ولاردى بەلسەندى پايدالانۋدا. ويتكەنى توتەنشە جاعدا ي رەجيمى وفلاين ءوزارا ءىس-قيمىلدى شەكتەيدى. سونىمەن قاتار، بۇل ىڭعايلى دا. سەبەبى كەز- كەلگەن ۋاقىتتا جانە ۇيدەن شىقپاي-اق ءبىلىم الۋعا بولادى. ءبىراق، ءبىز ءۇشىن وتانداستارىمىزدىڭ توتەنشە جاعداي اياقتالعاننان كەيىن باسەكەلى جالاقىسى بار پەرسپەكتيۆالى جۇمىس تاپقانى ماڭىزدى. بۇل جەردە ۇمىتكەردىڭ داعدىلارى مەن ءبىلىمى ماڭىزدى ءرول اتقارادى. سوندىقتان كەلىسسوز جۇرگىزدىك. ناتيجەسىندە 2020 -جىلدىڭ سوڭىنا دەيىن 50 مىڭ جۇمىسسىز قازاقستاندىقتى تەگىن وقىتۋعا كەلىستىك»، - دەدى ق ر ەڭبەك جانە حالىقتى الەۋمەتتىك قورعاۋ ۆيتسە- ءمينيسترى ناريمان مۇقىشەۆ.

جوباعا قاتىسۋ ءۇشىن رەسمي تۇردە جۇمىسسىز رەتىندە تىركەلۋ جەتكىلىكتى. Coursera.org سايتىنا تىركەلۋ كەزىندە enbek.kz-تە كورسەتىلگەن ەلەكتروندىق پوشتانىڭ مەكەن-جايىن نەمەسە جۇمىسپەن قامتۋ ورتالىعىندا جۇمىسسىز رەتىندە تىركەلۋدى پايدالانۋ وتە ماڭىزدى.

اۆتور: مارلان جيەمباي