جامبىلدا ناۋقاستارمەن جاقىن بايلانىستا بولعان 400 دەن اسا ادام وقشاۋلانعان

بۇل تۋرالى وڭىرلىك كوممۋنيكاتسيالار قىزمەتىنىڭ الاڭىندا وتكەن بريفينگتە جامبىل وبلىسىنىڭ تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى بەرىك جارقىنبەكوۆ حابارلادى.

«وبلىس اۋماعىندا ءاربىر COVID-19 جاعدايىنا مىندەتتى ەپيدەميولوگيالىق تەكسەرۋ جۇرگىزىلەدى. وبلىس بويىنشا ينفەكسيا وشاقتارىندا 606 قارىم قاتىناستا بولعان ادام انىقتالدى، ونىڭ ىشىندە 404 جاقىن جانە 202 ىقتيمال بايلانىستا بولعاندار. قارىم قاتىناستا بولعان ادامداردى وقشاۋلاۋعا، سونداي- اق كارانتين جاعدايىندا ەپيدەمياعا قارسى رەجيمنىڭ ساقتالۋىنا باقىلاۋ جۇرگىزىلەدى. بارلىق جاقىن قارىم قاتىناستا بولعان ادامدار كارانتيندىك ستاتسيوناردا وقشاۋلانعان، ال ىقتيمال بايلانىستا بولعان ادامدار كۇندەلىكتى مەديتسينالىق باقىلاۋدا بولادى»، - دەيدى دەپارتامەنت باسشىسى.

سونداي- اق، اتالعان بريفينگتە وبلىستا سوڭعى تاۋلىكتە تىركەلگەن 3 جاڭا كوروناۆيرۋستى ينفەكسيا جاعدايى تۋرالى ايتىلدى. ءۇش ناۋقاستىڭ ەكەۋى جامبىل اۋدانىنان، بىرەۋى قورداي اۋدانىنىڭ تۇرعىنىنان انقىتالعان. ايتا كەتەيى، 14 - ساۋىردەگى جاعداي بويىنشا جامبىل وبلىسى اۋماعىندا 49 كوروناۆيرۋستىق ينفەكتسيا جاعدايى تىركەلگەن. 3 ناۋقاس اۋرۋحانادان ساۋىعىپ شىعارىلدى، ءارى قاراي 14 كۇنگە ءۇي جاعدايىندا كارانتيندىك باقىلاۋدا. قازىرگى تاڭدا ينفەكتسيالىق ستاتسيوناردا 43 ناۋقاس، پروۆيزورلىق ستاتسيوناردا 24 ناۋقاس ەمدەلۋدە.