رەسەي ءۇندىستانعا ميللياردتاعان دوللارعا س-400 كەشەنىن ساتادى

استانا. قازاقپارات- رەسەي پرەزيدەنتى ۆلاديمير پۋتيننىڭ وسى اپتادا ءۇندىستانعا ساپارىندا بۇل ەلگە 5 ميلليارد دوللاردان استام قارجىعا س-400 زەنيت- زىمىران كەشەندەرىن ساتۋ تۋرالى كەلىسىمگە قول قويىلادى. بۇل تۋرالى قازاننىڭ 2- كۇنى پۋتيننىڭ كومەكشىسى يۋريي ۋشاكوۆ مالىمدەدى.

بۇعان دەيىن پەنتاگون ءۇندىستان ەگەر زەنيت- زىمىران كەشەندەرىن ساتىپ السا، وندا ا ق ش- تىڭ رەسەيدىڭ اسكەري جانە قورعانىس سالاسىنا سالعان سانكسيالارىن بۇزاتىنىن ەسكەرتكەن.

پۋتين ءۇندىستان پرەمەر- ءمينيسترى نارەندرا موديدىڭ شاقىرۋىمەن 4-5 - قازاندا نيۋ- دەليگە ساپارلاپ بارادى. ماسكەۋ ءۇندىستانعا س-400 زەنيت- زىمىران كەشەندەرىن ساتۋ تۋرالى كەلىسسوزدى بىرنەشە ايدان بەرى جۇرگىزىپ كەلەدى.

ماسكەۋدە جۋرناليستەر الدىندا سويلەگەن يۋري ۋشاكوۆ رەسەيدىڭ ۇندىستانمەن اسكەري سالادا «ءداستۇرلى جانە ۇزاق ۋاقىتتان بەرى قارىم- قاتىناس ورناتقانىن» ايتتى.

ءبىراق قىتايدىڭ ازياداعى اسكەري الەۋەتىنىڭ كۇشەيۋىنە قارسى تۇرۋ ءۇشىن نيۋ- دەليمەن اسكەري بايلانىستى دامىتقىسى كەلەتىن ا ق ش ءۇندىستاننىڭ رەسەي قارۋ- جاراعىنا تاۋەلدى بولعانىن قالامايدى. پەنتاگون وسىعان بايلانىستى ءۇندىستانعا س-400 كەشەندەرىن ساتىپ الۋ ا ق ش- تىڭ بيىلدان باستاپ رەسەي قورعانىس سالاسىنا سالعان سانكسيالارىن بۇزاتىنىن ەسكەرتكەن.

ءۇندىستان س-400 كەشەندەرىن ساتىپ الۋ ءۇشىن ۆاشينگتوننان سانكسيا سالماۋىن سۇرايتىنىن بىلدىرگەن. ا ق ش كونگرەسسى بيىل پرەزيدەنتتىڭ ۆاشينگتونمەن قورعانىس سالاسىنداعى قارىم- قاتىناسىن دامىتىپ جاتقان ەلدەرگە سانكسيا سالماۋىنا مۇمكىندىك بەرەتىن زاڭ قابىلداعان.

امەريكالىق كونگرەسسمەندەر اتالعان زاڭدى قابىلداعان كەزدە ونىڭ ءۇندىستانعا قاتىستى قولدانىلاتىنىن مەڭزەگەنىمەن، وتكەن ايدا پەنتاگوننىڭ جوعارى شەندى وكىلى نيۋ- دەليگە سانكسيا سالىنبايتىنىنا كەپىلدىك جوعىن ەسكەرتكەن.

www.azattyq.org