قوستاناي وبلىسى ەكسپوعا 400 اۆتوبۋس جەتكىزىپ بەرەدى

استانا. قازاقپارات - قوستاناي وبلىسىنىڭ اكىمى ارحيمەد مۇحامبەتوۆتىڭ ايتۋىنشا، اعىمداعى جىلدا ايماقتا جولاۋشىلار اۆتوبۋستىڭ تاعى ءبىر ماركاسىن قۇراستىرۋدى قولعا الىنادى،

دەپ حابارلايدى قازاقپارات ءتىلشىسى.

«بۇدان بولەك، بيىل ءبىز ەكسپوعا اۆتوبۋستاردى جەتكىزەتىن بولامىز. ول ءۇشىن « Аstana LRT» كومپانياسىمەن كەلىسىمشارتتى راسىمدەدىك. 400 گە جۋىق اۆتوبۋستى جەتكىزەتىن بولدىق. اتالعان كولىكتەردىڭ باسىم بولىگى - كوپ ادامدى سىيعىزدىرا الاتىن اۆتوبۋستار. وعان 100 دەن استام جولاۋشى سىيادى. ەكسپو كەزىندە ول اۆتوبۋستار تۋريستەردى تاسىمالدايدى. ال كورمە وتكەننەن كەيىن ەلوردانىڭ قوعامدىق كولىكتەر پاركىن تولىقتىراتىن بولادى»، - دەدى مۇحامبەتوۆ بۇگىن استانادا وتكەن باسپا ءسوز ءماسليحاتىندا.

بۇدان بولەك، وبلىس كاسىپكەرلەرى ازىق- تۇلىك ونىمدەرىن توننالاپ جەتكىزەتىن بولدى.

 «قوستاناي وبلىسىنان بالمۇزداق ونىمدەرى دە ەكسپو كورمەسىنە جەتكىزىلەدى. قازىرگى كەزدە ءبىز استانا قالاسىنىڭ اكىمدىگىمەن ءبىر كەلىسىمگە كەلدىك. جالپى، كورمە كەزىندە وبلىستان 4-6 مىڭ توننا ازىق- تۇلىك ونىمدەرى جەتكىزىلەتىن بولادى»، - دەپ اتاپ كورسەتتى وبلىس باسشىسى.

اۆتور: ارمان اسقاروۆ