شىمكەنتتەن 400 دەن استام ادام قاجىلىق پارىزىن وتەۋگە مەككەگە اتتاندى - فوتو
شىمكەنتتە تۇڭعىش رەت رەسمي تۇردە ۇيىمداستىرىلعان يگى شاراعا ق م د ب ءتوراعاسى، باس ءمۇفتي ەرجان قاجى مالعاجى ۇلى مەن ساۋد ارابيا كارولدىگىنىڭ قازاقستانداعى توتەنشە جانە وكىلەتتى ەلشىسى گورم سايد مالحان، وڭتۇستىك قازاقستان وبلىسىنىڭ اكىمىنىڭ ورىنباسارى ۇلىسبەك سادىبەكوۆ، ق م د ب نايب ءمۇفتيى سەرىكباي قاجى وراز، وكىل يمام احمەتجان قاجى كەرىمبەك قاتىسىپ، ازاماتتارعا ءسات ساپار تىلەدى، دەپ جازادى muftyat.kz.
شىمكەنت اۋەجايىنان ءتورت جۇزدەن استام ادام العاشقى قاجىلىققا بارا جاتىر («اتلاس تۋريزم» - 28, «حيكمەت تراۆەل» - 12, «ءال مارۋا» - 197, «قىزمەت ساياحات» - 40, «سانابيل» - 100, «حيدايات نۇر» - 20 ادام) .
سونداي- اق، قازاقستان ازاماتتارىن قاجىلىققا حالىقارالىق «Flay Nas» اۋە كومپانياسى تاسىمالدايتىن بولدى. قازاقستان مۇسىلماندارى ءدىني باسقارماسى مەن ساۋد ارابياسى كورولدىگىنىڭ وكىلدەرى وسىنداي ورتاق مامىلەگە كەلدى. مۇسىلمان قاۋىمى ءۇشىن يسلامنىڭ بەس پارىزىنىڭ ءبىرى - قاجىلىققا بارۋ بولسا، وسى جىلى قاسيەتتى ورىنعا قۇلشىلىق ەتۋگە ەلىمىزدەن ءۇش مىڭنان استام ازامات اتتانادى.
قازاقستان مۇسىلماندارى ءدىني باسقارماسىنىڭ ءتوراعاسى، باس ءمۇفتي ەرجان قاجى مالعاجى ۇلى حازىرەت: «قاجىلىق پارىزىنىڭ جاۋاپكەرشىلىگى مەن ماراپاتى شەكسىز قۇلشىلىق. شاماسى جەتكەن ءاربىر مۇسىلمان بالاسىنا قاجىلىق عيباداتى پارىز بولعاندىقتان، ونى ورىنداۋشى، ەڭ ءبىرىنشى، اللانىڭ سىي- سياپاتىنا كەنەلەدى. قاجىلىق عيباداتىن ىقىلاسپەن ورىنداعان ادامنىڭ كۇنالارىنىڭ كەشىرىلەتىنى جايلى پايعامبارىمىز (اللانىڭ وعان يگىلى مەن سالەمى بولسىن) : «كىمدە- كىم قاجىلىق پارىزىن وتەۋ بارىسىندا بوس ءارى جامان سوزدەن، سونداي- اق، ۇلكەندى- كىشىلى كۇنالاردان بويىن اۋلاق ۇستاسا، اناسىنان جاڭا تۋعانداي پاك بولىپ قايتادى» ، - دەگەن.
مۇنىمەن قاتار، باس ءمۇفتي ەرجان قاجى مالعاجى ۇلى حازىرەت ەلىمىزدىڭ بارشا ازاماتتارىن اتا زاڭ كۇنى مەرەكەسىمەن قۇتتىقتاپ، ىزگى نيەتىن ءبىلدىردى.
اۋەجايداعى سالتاناتتى راسىمدە ەلگە تانىمال انشىلەر مەن اقىندار جىردان شاشۋ شاشىپ، عيبراتتى تولعاۋلار ورىندالدى. قاجىلىق ساپارى بارىسىندا قاجىلارعا بىلىكتى ءدىن قىزمەتكەرلەرى مەن دارىگەرلەر قىزمەت كورسەتەدى. ال نايب ءمۇفتي سەرىكباي قاجى وراز ق م د ب قاجىلىق ميسسياسىنا ءتوراعالىق ەتەدى.
اللا ەلىمىز ازاماتتارىنىڭ قاجىلىق امالدارىن قابىل ەتىپ، قازاق ەلى تىنىش، جۇرتىمىز امان بولعاي. 
