ماڭعىستاۋدىڭ كاسىپكەرلەر پالاتاسى بيزنەسمەندەردىڭ 400 ميلليوننان استام قارجىسىن ۇنەمدەپ قالدى
وسىنداي مالىمەتتەر جەرگىلىكتى جانە ورتالىق مەملەكەتتىك ورگاندار، م ج ك ايماقتىق ورتالىعى، «دامۋ» قورىنىڭ فيليالى، بيزنەس- قۇرىلىمدار جانە ۇ ە ۇ قاتىسۋىمەن وتكەن «مەملەكەتتىك ورگانداردىڭ كاسىپكەرلەرمەن بىرگە جەمقورلىققا قارسى ارەكەت ەتۋ ماسەلەلەرى بويىنشا ءوزارا ىقپالداستىعى» اتتى فورۋمدا ايتىلدى.
«جىل باسىنان بەرى، 5 ايدىڭ ىشىندە پالاتانىڭ ساراپشىلارى كاسىپكەرلەردىڭ ءوز قۇقىقتارىن قورعاۋ بويىنشا 265 ءوتىنىشىن قاراستىردى. وتىنىشتەردىڭ جارتىسى جەر قاتىناستارىنا بايلانىستى بولىپ وتىر. 104 ءوتىنىش شەشىمىن تاپتى. شەنەۋنىكتەردىڭ اكىمشىلىك كەدەرگىلەر قۇرۋىنا قاتىستى 25 فاكتى انىقتالعان. كاسىپكەرلەر پالاتاسىنىڭ كومەگىمەن بيزنەسمەندەردىڭ پايداسىنا جالپى سوماسى 404 ميلليوننان استام تەڭگەنى قۇراعان قارىزدارى تولەتىلىپ، سالىق ورگاندارىنىڭ قايتا ەسەپتەۋلەرى بولدىرىلعان جوق»، - دەدى ماڭعىستاۋ وبلىسى كاسىپكەرلەر پالاتاسىنىڭ قۇقىق ماسەلەلەرى جونىندەگى ديرەكتوردىڭ ورىنباسارى ورىنباسارى ءامىرعالي جانايەۆ.
بۇدان باسقا، كاسىپكەرلەر ساۋلەت جانە قالا قۇرىلىسى، (وتىنىشتەردىڭ 15 پايىزى)، مەملەكەتتىك ساتىپ الۋلار (10 پايىز) سالاسىنداعى ماسەلەلەر بويىنشا شاعىمدانىپ وتىرادى.
