ۋيليام شەكسپيردىڭ ومىردەن وزعانىنا 400 جىل بولدى
باستى شارا ايگىلى كلاسسيكتىڭ شىعارماشىلىق جولى قالىپتاسقان لوندون قالاسىندا ءوتتى. شەكسپير ارۋاعىنا تاعزىم ەتۋگە كەلگەن ا ق ش پرەزيدەنتى باراك وباما قايتا قالپىنا كەلتىرىلگەن «گلوبۋس» تەاترىنا باس سۇقتى.
ايتا كەتەيىك، بۇعان دەيىن مەرەيتوي قۇرمەتىنە «گلوبۋس» تەاترى «گاملەت» سپەكتاكلىمەن 100 دەن استام ەلدى ارالاپ كەلگەن بولاتىن.
دومينيك درومگۋل، «گلوبۋس» تەاترىنىڭ كوركەمدىك جەتەكشىسى:
- سوعىس ءجۇرىپ جاتقان ەلدەرگە كىرە الماعاندىقتان، كوشىپ جۇرگەن بوسقىندارعا قويىلىم كورسەتتىك. ماسەلەن، يوردانيانىڭ سولتۇستىگىندەگى سيريالىقتار پانالاعان بوسقىندار لاگەرىنە باردىق. وندا 120 مىڭ ادام تۇرىپ جاتىر. بۇل ءبىر قالا حالقىنا تەڭ. كامەرۋندا ورتالىق افريكا رەسپۋبليكاسىنان شىققان بوسقىندار الدىندا دا ونەر كورسەتتىك. سونداي - اق دجيبۋتي، كالە قالالارىنداعى بوسقىندار لاگەرىندە بولدىق.
www.24.kz
