الاياق ايەل كوزى ناشار كورەتىن قارياعا ءبىر قۇتى بالدى 400 مىڭ رۋبلگە ساتقان

استانا. قازاقپارات - پەتەربور قالاسىنىڭ نەۆا اۋدانىنداعى دىبەنكو كوشەسىندە الاياق ايەل 84 جاستاعى قارياعا ءبىر قۇتى بالدى 400 مىڭ رۋبلگە ساتتى.

ءىرى اقشا سوماسىنىڭ جوعالعانىن زەينەتكەردىڭ قىزى بايقاعان. ونىڭ وتىنىشىنە قاراعاندا، 13 -ءساۋىر كۇنى ۇيدە بولماعان كەزىندە پاتەر ەسىگىن سىرتقى كەلبەتى «كاۆكازدىق» بويجەتكەن قاعىپ، كوزى ناشار كورەتىن قارياعا بال قۇتىسىن ساتىپ الۋدى ۇسىنادى. ەگدە جاستاعى ەر ادام اقشانى ءوزى ساناي الماي، الاياق ايەلگە قاجەتتى سومانى الىپ كەتۋدى سەنىپ تاپسىرعان.

زۇلىم ايەل 400 مىڭ ءرۋبلدى ساناپ الىپ، بىردەن ءىزىن جاسىردى. زەينەتكەر بالدى الىپ، ۇيىنە كىرىپ كەتكەن. پوليتسيا قىلمىسكەر ايەلدى ىزدەۋ جۇمىستارىن جۇرگىزۋدە، دەپ جازادى piter.tv.