تارازعا الىپ ۇشاق 400 تونناعا جۋىق جۇك الىپ كەلدى - فوتو

تاراز. قازاقپارات - الەمدىك جۇك تاسىمالداۋشىلار ەۋروپا، ورتا جانە وڭتۇستىك-شىعىس ازيا ەلدەرى ءۇشىن ەڭ جاقىن توراپ بولىپ سانالاتىن تارازداعى «اۋليە اتا» حالىقارالىق اۋەجايىنا قىزىعۋشىلىق تانىتىپ وتىر، دەپ حابارلادى اتالعان اۋەجايدىڭ باسپا ءسوز قىزمەتىنەن.

ەسكە سالا كەتەيىك، ءدال وسى كۇنى «اۋليە اتا» اۋەجايىندا الەمدەگى ەڭ ۇلكەن سەريالىق ۇشاقتاردىڭ ءبىرى - «ان 124-100» اۋە كەمەسى تۇر.

«اۋليە اتا» حالىقارالىق اۋەجايى» كومپانياسى تىلشىلەر ءۇشىن ارنايى باسپا ءسوز تۋر ۇيىمداستىرىپ، الىپ ۇشاقپەن تانىسۋعا مۇمكىندىك جاسادى.

اۋەجايدىڭ باسپا ءسوز قىزمەتىنەن حابارلاعانداي، اۋە كەمەسى تارازعا سالماعى 392 توننا جۇك الىپ كەلدى. ول جۇك: جامبىلدىق اسكەريلەردىڭ قاجەتتىلىكتەرى ءۇشىن ۇشقىشسىز باسقارىلاتىن ەكى ۇشاق.

«ان 124-100» اۋە كەمەسى تارازدا 24- ناۋرىزعا دەيىن بولىپ، ودان كەيىن جۇكتى بايقوڭىرعا جەتكىزەدى.

«اۋليە اتا» حالىقارالىق اۋەجايى ەڭ ۇلكەن اۋە كەمەلەرىنىڭ ءبىرىن قابىلداپ وتىرعانى جۇك تاسىمالداۋشىلاردىڭ تاراز قالاسى ارقىلى ۇشۋعا ۇلكەن قىزىعۋشىلىعىن تۋدىرتىپ وتىر. اتالعان تيپتەگى اۋە كەمەسىنە قىزمەت كورسەتۋ ۇشۋ-قونۋ جولاعىن قالپىنا كەلتىرۋ، جاڭا اەرودرومدىق ارنايى تەحنيكانى ساتىپ الۋ جانە قىزمەتكەرلەردىڭ بىلىكتىلىگىن ارتتىرۋدىڭ ارقاسىندا مۇمكىن بولدى، دەيدى كومپانيانىڭ باسپا ءسوز قىزمەتىنەن.