كۇيەۋى ايەلىنىڭ قۇنى 400 مىڭ دوللار بولاتىن نەكە ساقيناسىن ابايسىزدا لاقتىرىپ جىبەرگەن

استانا. قازاقپارات - ميسسۋري تۇرعىنى بەرني سكيتيەري ءوزىنىڭ ايەلىنىڭ 12,5 كاراتتى نەكە جۇزىگىن ابايسىزدا لاقتىرىپ جىبەرگەن. ساقينانىڭ قۇنى بولسا، 400 مىڭ دوللار.

ەر ادامنىڭ سوزىنە قاراعاندا، ونىڭ جارى كارلا جۇزىگىن اس ۇيدەگى ۇستەلدىڭ ۇستىنە قاعاز سۇلگىگە قويىپ كەتكەن. قوقىستى اكەتەتىن كولىكتىڭ كەلگەنىن ەستىگەن بەرني قاعاز ورامالدى الىپ، ونى قوقىسپەن بىرگە جۇك كولىگىنە سالىپ جىبەرگەن. وسىلايشا، قۇندى زات قوقىستاردىڭ اراسىنا ءتۇستى.

ەر ادام قوقىس جيناۋشىلاردى 10 توننا قوقىستىڭ اراسىنان ساقينانى ىزدەۋگە كوندىردى.

25 مينۋتتان كەيىن وپەراتسيالىق مەنەدجەر دجو ەۆانس جۇزىكپەن كەلدى.

- 10 جاعدايدىڭ 10 دا مۇنداي زاتتاردى تابا المايمىز، - دەدى ەۆانس. - ساقينانى تاۋىپ، يەسىنە قايتارۋ ءبىز ءۇشىن ۇلكەن قۋانىش.