تاحير بالىقبايەۆ: «بولاشاق» تۇلەكتەرىنىڭ ورتاشا جالاقىسى 400 مىڭ تەڭگەدەن جوعارى بولىپ وتىر
بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن بريفينگتە ق ر ءبىلىم جانە عىلىم ۆيتسە- ءمينيسترى تاحير بالىقبايەۆ ءمالىم ەتتى.
ونىڭ مالىمەتتەرى بويىنشا، 1994 - جىلدان بەرى «بولاشاق» ستيپەندياسىن 11727 ادام الدى. ولاردىڭ ىشىندە 1667 ادام ونەركاسىپ سالاسىنان، 1694 ادام ءبىلىم جانە عىلىم سالاسىنان، 1394- اقپاراتتىق تەحنولوگيالار، 619 مەديتسينا سالاسىنان ورىن تاپسا، 400-دەن استامى مەملەكەتتىك قىزمەتكەر جانە باسقا دا قىزمەتتەرگە ورنالاستى.
«ەندى ءبىز ستيپەنديانتتاردىڭ ساپالىق قۇرامى مەن جەتىستىكتەرىن ايتاتىن بولساق، «بولاشاق» تۇلەكتەرىنىڭ 503- ءى مەملەكەتتىك قۇرىلىمداردا، ۇلتتىق كومپانيالاردا، دەنساۋلىق ساقتاۋ ۇيىمدارىندا جوعارى باسقارۋشىلىق بۋىنداردا قىزمەت ەتۋدە. ولاردىڭ قاتارىندا 4 ۆيتسە- مينيستر، 5 وبلىس جانە قالا اكىمدەرى، 3 وبلىس نەمەسە قالا اكىمدەرىنىڭ ورىنباسارلارى، سونىمەن بىرگە 81- ءى مەملەكەتتىك ۇيىم جانە مەكەمەنىڭ باسشىسى، ۇلتتىق كومپانيالار مەن بانكتەردىڭ بولىمشەلەرىنىڭ 106 ءبىرىنشى باسشىسى مەن باسقارما مۇشەلەرى جانە 246 جەكە ۇيىم باسشىلارى بار. وسى تۇلەكتەردىڭ 20 پايىزدان استامى بۇگىنگى تاڭدا وڭىرلەردە جۇمىس ىستەپ كەلە جاتىر»، - دەيدى ول.
ت. بالىقبايەۆتىڭ سوزىنە قاراعاندا، مينيسترلىك تۇلەكتەردىڭ جۇمىسقا ورنالاسۋىن ءجىتى باقىلاپ كەلەدى.
«ءبىز وسى بىرنەشە جىل بويى تۇلەكتەردىڭ جۇمىسقا ورنالاسۋىن، جالپى دەڭگەيىن باعالاۋدامىز. وتكەن جىلدىڭ قورىتىندىسى بويىنشا، تۇلەكتەردىڭ 99,4 پايىزى جۇمىسقا ورنالاستى. سونىمەن بىرگە ورتاشا جالاقىلارىن ەسەپتەپ كورسەك، بۇگىنگى تاڭدا «بولاشاق» تۇلەكتەرىنىڭ ورتاشا جالاقىسى 400 مىڭ تەڭگەدەن جوعارى بولىپ وتىر. وسىنىڭ بارلىعى «بولاشاقتىڭ» ناتيجەلىلىگىن، جەتكەن جەتىستىكتەرىن كورسەتىپ وتىرادى»، - دەپ اتاپ ءوتتى ۆيتسە- مينيستر.
اۆتور: جاسۇلان جولدىبايەۆ
