10:42, 24 - جەلتوقسان 2015 | GMT +5
سالماعى 400 كەلى، سۋمودان بۇرىنعى الەم چەمپيونى كوز جۇمدى - كەسكىن
استانا. قازاقپارات - ارالاس جەكپە-جەكتەردىڭ (م م ا) بۇرىنعى قاتىسۋشىسى، امەريكاندىق ەممانۋەل ياربورو ريچموندتا (ۆيردجينيا شتاتى، ا ق ش) 51 جاسىندا كوز جۇمدى.
بۇل تۋرالى ابسوليۋتتىك جەكپە-جەكتەر چەمپيوناتىنىڭ (UFC) رەسمي سايتىندا حابارلاندى.
سپورتشىنىڭ قايتىس بولۋ سەبەپتەرى تۋرالى حابارلانباۋدا. ياربورو گيننەستىڭ رەكوردتار كىتابىنا ەڭ اۋىر سپورتشى رەتىندە كىرگەن: ونىڭ سالماعى 400 كەلى، بويى 203 سانتيمەتر بولعان. ارالاس جەكپە-جەكتەردەن باسقا، ول سۋمو، كۇرەس جانە دزيۋدو بويىنشا جارىستارعا قاتىسىپ، سونداي-اق امەريكاندىق فۋتبولمەن اينالىسقان.
ياربورونىڭ ەسەبىندە م م ا ەرەجەلەرى بويىنشا ءۇش جەكپە-جەك بار، سونىڭ ىشىندە ول ءبىر رەت جەڭىسكە جەتكەن. 1995 -جىلى امەريكاندىق سپورتشى سۋمودان الەم چەمپيوناتىندا جەڭىسكە جەتتى. 1998 -جىلى سپورتتىق مانسابىن اياقتاعان ياربورو ا ق ش- تا سۋمو ەلشىسى بولىپ، سونداي-اق ءوز-ءوزىن سومداعان بىرنەشە فيلمگە تۇسكەن.
