قازاقستاندا ەكسترەميستىك جانە لاڭكەستىك ءىس- ارەكەتتەرى ءۇشىن 400 ادام تۇرمەدە وتىر - فوتو
قازاقستان مۇسىلماندارى ءدىني باسقارماسىنىڭ 2015 - جىلعى جۇمىس قورىتىندىسىندا وسىنداي مالىمەت كورسەتىلگەن.
«اعىمداعى مەرزىمدە رەسپۋبليكا بويىنشا ەكسترەميستىك جانە لاڭكەستىك ءىس- ارەكەتتەرى ءۇشىن 400 ادام تۇزەتۋ كولونيالارىندا وتىر. ولاردىڭ ىشىندە 150 ادام ءالى كۇنگە دەيىن وزدەرىنىڭ ءدىني كوزقاراستارىن وزگەرتپەگەن»، - دەپ كورسەتىلگەن باسقارمانىڭ تاراتقان حابارلاماسىندا.
2015 - جىلى باسقارمادا تۇزەتۋ كولونيالارىنداعى تەرىس اعىم ۇستاناتىندارمەن جۇمىس جۇرگىزۋ ماقساتىندا ارنايى يمامدار توبى قۇرىلدى.
«ەكسترەميستىك جانە لاڭكەستىك يدەيالاردىڭ تارالماۋى ءۇشىن بەلسەندى ءتۇسىندىرۋ جۇمىستارى قولعا الىندى. سونىڭ ناتيجەسىندە ەكسترەميستىك ءىس- ارەكەتتەرگە قاتىسى بار 723 تۇلعامەن جەكە- جەكە ءتۇسىندىرۋ جۇمىستارى جۇرگىزىلدى»، - دەپ حابارلايدى ق م د ب.
سونىمەن قاتار جالپى تۇرمەدە ءىستى بولعان 6400 اداممەن جالپى ءداستۇرلى ءدىننىڭ قۇندىلىقتارى بويىنشا ۇگىت- ناسيحات شارالارى وتكىزىلگەن.
ق م د ب حابارلاماسىندا اتاپ كورسەتىلگەنىندەي، قازاقستاندا 802 راديكالدى اعىم وكىلدەرى ءداستۇرلى يسلامعا بەت بۇردى.
