ساۋد ارابياسىندا 400 دەن استام سودىر تۇتقىندالدى

استانا. قازاقپارات - ساۋد ارابياسىنىڭ پوليتسياسى مەشىتكە شابۋىل جاساماق بولدى دەگەن كۇدىكپەن 431 ادامدى تۇتقىندادى، دەپ حابارلادى «BBC» اگەنتتىگى.

بيلىك وكىلدەرىنىڭ ايتۋىنشا، ولار «يسلام مەملەكەتى» تەررورلىق ۇيىمىنىڭ مۇشەلەرى. ولار پوليتسەيلەر مەن تەكسەرۋ بەكەتتەرىنە دە شابۋىل ۇيىمداستىرماق بولعان.

ساۋد ارابياسىندا مامىر ايىندا شيعالار تۇراتىن اۋدانداعى مەشىتتە جارىلىس بولىپ، 20 ادام قازا تاپقان بولاتىن. وسى جارىلىستى «ي م» سودىرلارى ءوز موينىنا العان.

ساۋد ارابياسى اقش جەتەكشىلىك ەتەتىن كواليتسيا قۇرامىندا سيريا مەن يراكتاعى «ي م» سودىرلارىنا قارسى اسكەري ءىس- قيمىلدارعا قاتىسۋدا.