قىتايدا ىشىندە 400 دەن اسا جولاۋشىسى بار تەپلوحود سۋعا باتىپ كەتتى

استانا. قازاقپارات - ىشىندە 400 دەن اسا جولاۋشىسى بار تۋريستىك تەپلوحود قىتايدىڭ يانتسزى وزەنىنە باتىپ كەتتى، دەپ حابارلايدى BBC.

سوڭعى مالىمەتتەر بويىنشا، 7 ادام عانا امان قالعان، اپات بولعان جەردە ىزدەۋ-قۇتقارۋ جۇمىستارى جۇرگىزىلىپ جاتىر.

شينحۋا اگەنتتىگىنىڭ مالىمەتىنە سۇيەنسەك، بورت ىشىندە كەم دەگەندە 400 جولۋشى مەن 42 ەكيپاج مۇشەسى بولعان. تۋريستىك كەمە نانكيننەن شىعىپ چۋنتسينگە بەت العان، بورت ىشىندەگىلەردىڭ بارلىعى دا ق ح ر ازاماتتارى.

قاتتى جەل مەن جاڭبىردىڭ سالدارىنان قۇتقارۋ جۇمىستارى قيىنعا ءتۇسىپ جاتىر.