10:42, 03 - تامىز 2014 | GMT +5
توتەنشە جاعدايعا بايلانىستى 400 مىڭنان استام تۇرعىن اۋىزسۋسىز قالدى
استانا. قازاقپارات - امەريكانىڭ وگايو شتاتىنىڭ بيلىگى جەرگىلىكتى تازارتۋ قۇرىلعىلارىنىڭ سۋلارىنان سيانوباكتەريالار بولەتىن توكسين - ميكروتسيستيننىڭ انىقتالۋىنا بايلانىستى توتەنشە جاعداي جاريالادى.
سالدارىنان 400 مىڭنان استام جەرگىلىكتى تۇرعىندار اۋىزسۋسىز قالدى، دەپ حابارلايدى CNN تەلەارناسى.
«وگايو شتاتىنداعى توليدو قالاسىندا سۋدى پايدالانباڭىزدار، ىشپەڭىزدەر، وندا اس پىسىرمەڭىزدەر. مەيرامحانالار دا ءبىر كۇنگە جابىلۋى ءتيىس»، دەلىنگەن جەرگىلىكتى بيلىكتىڭ حابارلاماسىندا.
قالا بيلىگى بۇل ەسكەرتۋ ساقتىق شارالارى بولىپ وتىرعانىن ءمالىم ەتتى، ولاردىڭ ايتۋىنشا، سۋ تالداماسىنىڭ ناقتى ناتيجەلەرى جەكسەنبى كۇنى بەلگىلى بولماق.
«ءبىز ءبارى جاقسى بولادى دەپ ۇمىتتەنەمىز، ايتپەسە قيىن جاعدايدا قالارىمىز انىق»، - دەيدى توليدو قالاسىنىڭ مەرى مايكل كوللينز.
