قازاقستاندا 400 گەكتار ەگىستىك القاپ ورتەنىپ كەتتى

بۇل ەگىستىك «اگروسەرۆيس باتىس» سەرىكتەستىگىنە تيەسىلى ەكەن.
ءورت تاسجول بويىنداعى قۋراعان شوپتەن شىعىپ، القاپتى تۇگەل شارپىعان. ديقاندار ءتىلسىز جاۋدى ءوز كۇشىمەن اۋىزدىقتادى. اپات سالدارىنان 800 تونناداي كۇزدىك بيداي جانىپ كەتتى.
الايدا شارۋا يەسىنە بۇل شىعىن وتەلمەيدى. سەبەبى ول قاۋىپسىزدىك بەلدەۋىن جاساپ، ءورت قاۋىپسىزدىگى ەرەجەسىن ساقتاماعان دەيدى اۋداندىق ءبولىمنىڭ باس مامانى سەرىك يشانوۆ.
سەرىك يشانوۆ، زەليەنوۆ اۋداندىق اۋىل شارۋاشىلىعى ءبولىمىنىڭ باس مامانى:
- جولدىڭ بويىنداعى كەۋىپ قالعان ءشوپ پەن ءوتىپ بارا جاتقان ماشينالاردان باستالدى. شارۋالار قازىر كۇزدىك ءداندى-داقىلداردى جيناپ جاتىر. ءار گەكتاردان 10 نان 27 سەنتنەرگە دەيىن ءونىم الۋدا. سوندا 800 تونناداي كۇزدىك بيداي ورتەنىپ كەتكەن. استىعى ساقتاندىرىلعانىمەن، مۇنداي جاعدايدا شىعىنى تولەنبەيدى. سەبەبى ءورت قاۋىپسىزدىگىن ساقتاپ، جاعدايعا ازىرلەنىپ، اينالاسىن جىرتىپ قويۋ كەرەك ەدى.
24.kz