قازاقستاندىق تۋريستەر جىلىنا 400 ميلليون دوللاردى شەتەلدەرگە قالدىرىپ جاتىر
توقتالا كەتەتىن جايت، ۇكىمەت ساعاتى بارىسىندا دەپۋتات گۇلميرا يسىمبايەۆا ەلىمىزدەگى تۋريزم قىزمەتىنىڭ ساپاسى مەن باعاسىنا قاتىستى ماسەلە كوتەرىپ، سۇراق قويعان بولاتىن. «شىندىعىندا، قازاقستاندىق تۋريستەردىڭ باسىم بولىگى سىرتقا شىعىپ وتىر، «ۇيىمىزدە» قابىلداۋ كورسەتكىشىن ارتتىراتىن دەڭگەيگە جەتكەن ەمەسپىز. بۇعان مەملەكەتتىك تە، جەرگىلىكتى ورىنداردا دا ءتيىستى قاراجات قامتىلماي وتىر. جالپى، العاندا قازاقستاننىڭ تۋريستىك سالاسىنداعى تەرىس سالدو 400 ميلليون دوللاردى قۇرايدى. ياعني، سىرتقا شىعىپ جاتقان تۋريستەرىمىز وسىنشا قاراجاتتى شەتكە قالدىرىپ جاتىر» ، - دەيدى ۆيتسە مينيستر.
ونىڭ ايتۋىنشا، ەلىمىزدەگى تۋريستىك قىزمەتتىڭ باعاسىنا ءبىرقاتار فاكتورلار اسەر ەتىپ وتىر. «ماسەلەن، تۋريزم ءۇشىن كاسىپكەرلەر قوناق ءۇي سالعىسى كەلسە، ول ءۇشىن ساتىپ الاتىن جەردىڭ قۇنى اجەپتاۋىر. سوسىن، وعان تارتىلاتىن ينفراقۇرىلىمنىڭ دا باسقا دا كۇردەلى شىعىندار زور. ەكىنشىدەن، بىزدە تۋريستىك نىسانداردىڭ باسىم بولىگى جازدا، دەمالىس ماۋسىمىندا عانا جۇمىس ىستەپ كەلەدى. جازدا عانا ىستەگەن سوڭ، ول دەمالىس ورىندارى كۇز بەن قىستاعى شىعىندارىن سول ارقىلى جاپقىسى كەلەدى» ، - دەپ جاۋاپ بەردى ن. ساۋرانبايەۆ.
قازاقستاننىڭ تۋريستىك سالاسىنىڭ مۇمكىندىگى جىلىنا 10-20 ميلليارد دوللارعا جەتۋى ءتيىس. بۇگىن ماجىلىستە ەلىمىزدەگى تۋريزم سالاسىن دامىتۋ پەرسپەكتيۆالارى جايىندا ءوتىپ جاتقان ۇكىمەت ساعاتىندا ەكونوميكالىق رەفورما جانە وڭىرلىك دامۋ كوميتەتىنىڭ ءتوراعاسى، دەپۋتات سەيىتسۇلتان ايىمبەتوۆ وسىلاي مالىمدەدى.
دەپۋتاتتىڭ پايىمىنشا، تۋريستىك سالا ەل ەكونوميكاسىنىڭ جالپى دامۋىنا سەرپىن بەرە الاتىنىن شەتەلدىك پروگرەسسيۆتىك تاجىريبەلەر كورسەتىپ وتىر. وسىعان وراي، سەيىتسۇلتان ايىمبەتوۆتىڭ ايتۋىنشا، باسەكەلەستىك ارتىقشىلىقتار دۇرىس پايدالانىلسا تۋريزم يندۋسترياسىنا تىكەلەي قاتىستى (كولىك، بايلانىس، قۇرىلىس، اۋىل شارۋاشىلىعى جانە باسقا وسى سياقتى) 32 سالانىڭ دامۋىنا تىكەلەي نەمەسە جاناما اسەر ەتۋگە بولادى.
«حالىقارالىق ساراپشىلاردىڭ دەرەكتەرى بويىنشا، تۋريزم تابىستىلىعى كىرىس اكەلۋ جاعىنان مۇناي ءوندىرۋ ونەركاسىبىنەن جانە اۆتوموبيل جاساۋ سالاسىنان كەيىن الەم بويىنشا ءۇشىنشى ورىندى يەلەنەدى. الايدا، تۋريستىك الەۋەتكە باي قازاقستاندا ونىڭ ۇلەسى ەلدىڭ ج ءى ءو- نە شاققاندا بار بولعانى 0,3 پايىزدى قۇرايدى. ءبىزدىڭ كوزقاراسىمىز بويىنشا، قازاقستاننىڭ تۋريستىك سالاسىنىڭ مۇمكىندىگى قاراپايىم باعامەن العاندا جىلىنا 10-نان 20 ميلليارد ا ق ش دوللارىنا دەيىنگى ارالىقتا جانە ج ءى و قۇرىلىمىندا 6-7 پايىزدى قۇراۋى مۇمكىن» ، - دەدى دەپۋتات س. ايىمبەتوۆ.
ونىڭ سوزىنە قاراعاندا، تۋريزم جانە ساياحات سالاسىنداعى جاھاندىق باسەكەگە قابىلەتتىلىك يندەكسىنە سايكەس 2013 - جىلى قازاقستان 140 ەلدىڭ ىشىندە 88- ورىندا تۇردى. «ياعني 2011 - جىلمەن سالىستىرعاندا بار بولعانى بەس ساتىعا كوتەرىلدى. الايدا، جالپى كورسەتكىشتەردى ەسەپكە الاتىن بولساق، ءبىز 50 - ورىندامىز، ياعني، تۋريزمنىڭ جالپى دامۋعا قوسقان ۇلەسى اسا تاڭعالارلىقتاي ەمەس» ، - دەپ تۇيىندەيدى س. ايىمبەتوۆ.
اۆتور: قانات مامەتقازى ۇلى
