قازاقستاندىق فۋتبولشى كومانداداعى ارىپتەسىنە 4000 لير قارجىنى سىيعا تارتتى

استانا. قازاقپارات - تۇرىكتىڭ «گيرەسۋنسپور» كومانداسىنداعى قازاقستاندىق فۋتبولشى انتون چيچۋلين ءوزىنىڭ كوماندالاس جولداسى اياز مەحتيەۆكە مارتتىك جاسادى.

بۇل تۋرالى Sport.kz حابارلادى.

تۇرىك كلۋبىنان كەتىپ بارا جاتقان چيچۋلين «وردۋسپور» كلۋبىن جەڭگەنى ءۇشىن بەرىلگەن 4000 لير مولشەرىندەگى سىياقىسىنان باس تارتتى.

قازاقستاندىق قورعاۋشى بۇل اقشانى جاس ويىنشى، كوپ ۋاقىت بويى جاراقاتىنان ەمدەلگەن اياز مەحتيەۆكە بەرۋدى ءوتىندى. چيچۋليننىڭ بۇل مارتتىك شەشىمىنە بۇكىل كوماندا قوشەمەتپەن قول سوقتى.

باس جاتتىقتىرۋشى ەركان سوزەر چيچۋلين تاعى دا ءوزىنىڭ مارتتىگىن كورسەتتى، دەپ مالىمدەدى. ء«بىزدىڭ چيچۋليننەن ايىرىلىپ قالعانىمىز وكىنىشتى. بۇل مىنەزى تاماشا جانە ناعىز كاسىپقوي ويىنشى»، - دەدى.

«گيرەسۋنسپوردا» جارتى جىل بولعان كەزدە چيچۋلين مەن مەحتيەۆ دوستاسىپ كەتتى، انتون تۇرىك ءتىلىن بىلمەيتىن، ال ازەربايجان فۋتبولشىسى وعان اۋدارما جاساۋعا كومەكتەستى.