400 ميلليون تەڭگە ۇرلادى دەپ ايىپتالعان الماتى اۋەجايىنىڭ ەكس-پرەزيدەنتىنە سوت ۇكىمى شىقتى
الماتى قالاسى تۇركسىب اۋداندىق سوتى بوتەننىڭ مۇلكىن اسا ءىرى مولشەردە زاڭسىز يەمدەندى جانە ۇرلادى دەپ ايىپتالعان الماتى حالىقارالىق اۋەجايىنىڭ ەكس-پرەزيدەنتى ب. -عا جانە اۆياتسيالىق جانار-جاعارماي قىزمەتىنىڭ باسشىسى ت. -عا قاتىستى قىلمىستىق ءىستى قارادى، دەپ حابارلايدى Kazinform.
سوتپەن بەلگىلى بولعانداي، ب. 2016-جىلدان باستاپ اۋە كەمەلەرىنە جانار-جاعارماي قۇيۋ ءۇشىن «ت ا» ج ش س ارقىلى اۆيا تاسىمالداۋشىلاردان الىنعان قاراجاتتى ۇرلاۋ سحەماسىن ازىرلەپ، جۇزەگە اسىرعان.
«قىلمىستىق جوسپارىن جۇزەگە اسىرۋعا ول ءوزىنىڭ الىس تۋىسى - اۋەجايداعى اۆياتسيالىق جانار-جاعارماي قىزمەتىنىڭ باسشىسىن ت. -نى تارتقان. وسىلايشا، ب. ت. -عا «ۋكراينا» حالىقارالىق اۆياكومپانياسىنىڭ ۇشاقتارىنا جانارماي قۇيۋ كەزىندە وتىن شىعىنى تۋرالى ەكى ءتۇرلى تاپىسىرىس جاساۋدى تاپسىرعان. تولتىرىلعان جانارمايدىڭ ناقتى كولەمىن كورسەتەتىن ءبىر تاپسىرىس ۇشاق ەكيپاجىنا بەرىلگەن. وعان سايكەس، اۋە كومپانياسى «ت ا» ج ش س- نە تولەم جاساعان. ەكىنشى تاپسىرىستا اۋەجاي قىزمەتكەرلەرى قۇيىلعان جانارماي كولەمىن از قىلىپ كورسەتكەن. ورتاشا العاندا ءار تولتىرۋ كولەمى 5 تونناعا كەم باعالانعان.
وسىلايشا، اۋە كومپانياسى قۇيىلعان اۆياكەروسيننىڭ ناقتى كولەمى ءۇشىن «ت ا» ج ش س- نە اقشا اۋدارسا، ج ش س ءوز كەزەگىندە تومەندەتىلگەن كولەم ءۇشىن اۋەجايعا تولەم جاساعان»، - دەپ جازدى الماتتى سوتتارىنىڭ رەسمي پاراقشاسى.
ب. جانە ت. جانارماي كولەمىندە از ايىرماشىلىق كورسەتۋ ءۇشىن، ۇشۋ-قونۋ جولاقتارى مەن اۋە كەمەلەرىنىڭ تۇراعىن تازارتۋعا شىققان جەل ماشينالارىنىڭ رەاكتيۆتى قوزعالتقىشتارىنا جۇمسالدى دەپ جالعان ەسەپ شىعارعان.
اۋە جانارمايى كولەمىنىڭ ايىرماشىلىعىنا بايلانىستى ج ش س شوتىندا قالعان اقشا قاراجاتى الىنىپ، اتالعان زاڭسىز ارەكەتكە قاتىسى جوق ونىڭ كەڭەسشىسى جانە جۇرگىزۋشىسى ارقىلى ب. -عا اۋدارىلعان.
سوت-ەكونوميكالىق ساراپتاماسىنىڭ قورىتىندىسىنا سايكەس، 2016-جىلدىڭ باسىنان 2018-جىلدىڭ ماۋسىمىنا دەيىنگى كەزەڭدە قىلمىستىق ارەكەتتەردەن كەلگەن شىعىن 1 ميلليون 250 مىڭ ا ق ش دوللارىن (411,6 ميلليون تەڭگە) قۇرادى.
ب. جانە ت. 913165 ا ق ش دوللارى سوماسىنداعى قاراجاتتى ءوز قالاۋى بويىنشا تىكەلەي يەمدەنگەن.
ايىپتالۋشىلار كىنالارىن مويىندامادى.
سوت ۇكىمىمەن ب. جانە ت. كىنالى دەپ تانىلىپ ءارقايسىسىنا 8 جىل مەرزىمگە باس بوستاندىعىنان ايىرۋ جازاسى جانە 10 جىل مەرزىمگە ماتەريالدىق جاۋاپكەرشىلىككە بايلانىستى لاۋازىمداردى اتقارۋ جانە كوممەرتسيالىق ۇيىمداردا باسشىلىق لاۋازىمداردى اتقارۋ قۇقىعىنان ايىرۋ جازاسى تاعايىندالدى.
سونداي-اق سوت ازاماتتىق تالاپتى قاناعاتتاندىرىپ، ب. مەن ت. -دان 913165 ا ق ش دوللارى نەمەسە 417891698 تەڭگە ماتەريالدىق شىعىندى بىرلەسىپ ءوندىردى.
ۇكىم زاڭدى كۇشىنە ەنگەن جوق.
