13:40, 18 - مامىر 2023 | GMT +5
بايدىبەكتە 400 مىڭ تەڭگە پارا العان شەنەۋنىك 12 ميلليون تەڭگە ايىپپۇل تولەپ قۇتىلدى
بايدىبەك. قازاقپارات - كاسىپكەردەن پارا العان اۋداندىق قۇرىلىس ءبولىمىنىڭ باسشىسى سوتتالدى، دەپ حابارلايدى قازاقپارات.
سىبايلاس جەمقورلىققا قارسى ءىس- قيمىل اگەنتتىگى تۇركىستان وبلىسى بويىنشا دەپارتامەنتى باسپا ءسوز قىزمەتىنىڭ مالىمەتىنشە، 5-مامىردا بايدىبەك اۋداندىق سوتىنىڭ ۇكىمىمەن بايدىبەك اۋداندىق قۇرىلىس، ساۋلەت جانە قالا قۇرىلىسى ءبولىمىنىڭ باسشىسى ت. دوساليەۆ سوتتالعان.
ول العان پاراسىنىڭ وتىز ەسەلەنگەن سوماسى مولشەرىندە 12 ميلليون تەڭگە ايىپپۇل تولەيتىن بولدى.
ول «بايدىبەك اۋدانى اعىبەت اۋىلىندا دەنە شىنىقتىرۋ- ساۋىقتىرۋ كەشەنىنىڭ قۇرىلىسى» وبەكتىسىن پايدالانۋعا قابىلداۋ اكتىسىنە كەدەرگىسىز قول قويۋ جانە جالپى قامقورلىعى ءۇشىن كاسىپكەردەن 400 مىڭ تەڭگە پارا العانى ءۇشىن كىنالى دەپ تانىلعان.
