تۇركيادا جەر سىلكىنىسى قۇرباندارىنىڭ سانى 40,6 مىڭنان استى
بۇل تۋرالى سەنبى كۇنى انكارادا وتكەن بريفينگتە تۇركيا ۇكىمەتى جانىنداعى تابيعي اپاتتارمەن جانە توتەنشە جاعدايلارمەن كۇرەس دەپارتامەنتىنىڭ (AFAD) باسشىسى يۋنۋس سەزەر مالىمدەدى، دەپ حابارلايدى قازاقپارات انادولى اگەنتتىگىنە سىلتەمە جاساپ.
ونىڭ ايتۋىنشا، اپات ايماعىنداعى ىزدەستىرۋ- قۇتقارۋ جۇمىستارىن جەكسەنبى، 19-اقپاندا اياقتاۋ جوسپارلانعان.
«قازىر ىزدەۋ-قۇتقارۋ جۇمىستارىنا 13 مىڭعا جۋىق ادام قاتىسۋدا. شەتەلدەن كومەككە كەلگەندەرگە شىن جۇرەكتەن العىس ايتقىم كەلەدى. 80 ەلدەن كەلگەن قۇتقارۋشىلاردىڭ ءبىر بولىگى وتانىنا ورالدى»، - دەدى AFAD باسشىسى.
سەزەر جەر سىلكىنىسىنەن زارداپ شەككەن پروۆينتسيالارداعى تۇرعىن ءۇي قورىنىڭ 50 پايىزدان استامىنىڭ جاعدايىن باقىلاۋ اياقتالعانىن ايتتى.
AFAD باسشىسى تەك ءوزى باسقاراتىن دەپارتامەنت جەلىسى ارقىلى عانا اپات ايماعىنان 430 مىڭنان استام ادام ەۆاكۋاتسيالانعانىن اتاپ ءوتتى. ەلدىڭ سىرتقى ىستەر مينيسترلىگىنىڭ مالىمەتىنشە، تۇركياداعى قوقىستاردى جويۋعا 88 ەلدەن 11 مىڭ قۇتقارۋشى قاتىسقان.
ەستەرىڭىزگە سالا كەتەيىك، 6 اقپاندا كاحرامانماراشتا ماگنيتۋداسى 7 بالدان اساتىن ەكى جەر سىلكىنىسى بولدى. جەراستى دۇمپۋلەرى ەلدىڭ 10 پروۆينسياسىندا، سونداي-اق كورشىلەس مەملەكەتتەردە، سونىڭ ىشىندە سيريادا دا سەزىلدى.
پرەزيدەنت رەجەپ تايىپ ەردوعان تابيعي اپات قۇرباندارىنا بايلانىستى تۇركيادا جەتى كۇندىك ۇلتتىق ازا تۇتۋ جاريالادى.
