قىتايدىڭ ءۇرىمجى قالاسىنىڭ ماڭىندا 4,8 بالدىق جەر سىلكىنىسى بولدى

بەيجىڭ. قازاقپارات - سارسەنبى كۇنى تاڭەرتەڭ قىتايدىڭ شىڭجاڭ- ۇيعىر اۆتونوميالىق اۋدانىنىڭ (ش ۇ ا ر) اكىمشىلىك ورتالىعى - ءۇرىمجى قالاسىنىڭ ماڭىندا ماگنيتۋداسى 4,8 جەر سىلكىنىسى تىركەلدى.

بۇل تۋرالى قىتايدىڭ سەيسمولوگيالىق ورتالىعىنان ءمالىم بولدى، دەپ حابارلايدى قازاقپارات.

جەر سىلكىنىسى سارسەنبى كۇنى جەرگىلىكتى ۋاقىت بويىنشا ساعات 10:33-تە تىركەلگەن.

ءزىلزالا وشاعى قىتايدىڭ شىڭجاڭداعى سانجى حۋەيزۋ اۆتونوميالىق اۋدانىنداعى سانجى قالاسىندا ورنالاسقان. ەپيسەنتردە قۋاتى 4,8 بالدى قۇراعان. تەرەڭدىگى - 23 ك م. جەر سىلكىنىسى سالدارىنان زارداپ شەككەندەر مەن قيراعان عيماراتتار تۋرالى مالىمەت جوق.

چاندزي قالاسىندا 500 مىڭنان استام ادام تۇرادى. جەر سىلكىنىسىنىڭ وشاعىنان 40 شاقىرىم جەردە ورنالاسقان ءۇرىمجى قالاسى تۇرعىندارىنىڭ سانى 4 ميلليوننان اسادى.