كۇنىنە 4 جاڭعاق جەگەننەن اعزادا بولاتىن 7 وزگەرىس
حولەستەرين دەڭگەيى تومەندەيدى
ميندال «ناشار» حولەستەريندى تومەندەتەتىن ەڭ ءتيىمدى 5 ءونىمنىڭ ءبىرى. ەگەر حولەستەريننىڭ وسى ءتۇرىنىڭ دەڭگەيى شامادان تىس بولسا، وندا كۇنىنە 20-30 ميندال جاڭعاعىن جەگەن دۇرىس. اياقتارىڭىز اۋىرىپ، شاشىڭىزعا ەرتە اق تۇسسە، كوزىڭىزدىڭ استىندا اق داقتار پايدا بولسا، وندا سىزدە «ناشار» حولەستەرين دەڭگەيى جوعارى دەگەن ءسوز.
شاشتى نىعايتادى ءارى قورعايدى
ميندال شاشتىڭ ساۋ، ادەمى ءارى تەز وسۋىنە كومەكتەسەتىن مينەرالدار مەن دارۋمەندەرگە باي. ماگني مەن تسينك شاشتىڭ ءوسۋىن قامتاماسىز ەتسە، توكوفەرول نىعايتادى، ال ۆ توبىنىڭ دارۋمەندەرى شاشتى نارلەندىرىپ، مىقتىلىق سىيلايدى.
جۇرەك اۋرۋلارىنىڭ الدىن الادى
جاڭعاق قۇرامىنداعى انتيوكسيدانتتار، مايلى قىشقىلدار، ماگني مەن مىس جۇرەك پەن قان تامىرلارى جۇيەسىنىڭ جۇمىسىن جاقسارتادى. جۇرەكتىڭ يشەميالىق اۋرۋىنىڭ الدىن الۋ ءۇشىن ميندالدى قابىعىمەن جەگەن اناعۇرلىم پايدالى.
بەتكە ءاجىم ءتۇسۋىن باياۋلاتادى
ميندال قۇرامىنداعى مارگانەتس تەرىنىڭ تونۋسىنا جاۋاپ بەرەتىن كوللاگەن - اقۋىزدىڭ بولىنۋىنە كومەكتەسەدى. سونداي- اق، ە دارۋمەنى دە كارىلىكپەن كۇرەسۋگە كومەكتەسەدى.
ساۋ ميكروفلورا
ميندالدىڭ قابىعىندا ىشەكتەردە پايدالى باكتەريالاردىڭ كوبەيۋىنە قاجەت پرەبيوتيكتەر بار. ديسباكتەريوز كەزىندە (بەلگىلەرى - اۋىزدان جاعىمسىز ءيىس شىعۋى، ءىشتىڭ كەبۋى، اس قورىتۋدىڭ بۇزىلۋى) كۇن سايىن 30-35 ميندال جاڭعاعىن جەۋ كەرەك.
ارىقتاۋعا كومەكتەسەتىن بىردەن ءبىر ءونىم
ميندال جەيتىن ادامداردىڭ تاتتىگە، ۇننان جاسالعان ونىمدەرگە زاۋقى سوقپايدى ەكەن. بۇعان قوسا جاڭعاق قۇرامىنداعى دارۋمەندەر زاتتەكتەردىڭ الماسۋىن قالپىنا كەلتىرەدى. تيىسىنشە بۇل ادامنىڭ ارتىق سالماقتان ارىلۋىنا سەپ بولادى.
مي جۇمىسىن جاقسارتادى
ميندال قۇرامىنداعى توكوفەرول مەن مايلى قىشقىلدار ەستە ساقتاۋ قابىلەتىن جاقسارتادى. بۇعان قوسا، بۇل جاڭعاقتار ميدىڭ قارتايۋىن تەجەيدى.
Baq.kz
