تارازدا 4 اي ىشىندە 75 وقۋشى ۇيىنەن قاشىپ، ەرتە جىنىستىق قاتىناسقا ءتۇسۋ 1,5 ەسە كوبەيگەن

تاراز. قازاقپارات - تارازدا سوڭعى 5 جىل ىشىندە قىلمىس سانى ەكى ەسەگە دەيىن ازايعان. ال، جىل باسىنان بەرى 31 پايىزعا تومەندەگەن، دەپ حابارلايدى قازاقپارات ءتىلشىسى.

دەگەنمەن، جاۋاپتى مامانداردىڭ مالىمەتىنشە، جاسوسپىرىمدەر اراسىنداعى جاعداي ءالى دە الاڭداتارلىق. سەبەبى، تارازدا 4 اي ىشىندە 12-14 جاس ارالىعىنداعى 75 مەكتەپ وقۋشىسى ۇيىنەن قاشىپ كەتكەن، 16 جاسقا تولماعاندار اراسىندا جىنىستىق قاتىناسقا ءتۇسۋ فاكتىسى 150 پايىزعا كوبەيگەن،

تاراز قالاسىنىڭ پروكۋرورى نۇرجان بورانبايەۆتىڭ ايتۋىنشا، ۇيلەرىنەن قاشقان جەتكىنشەكتەردىڭ 44 ى قىز بالا بولسا، 31 ى ۇل. جالپى، تاراز قالالىق پوليتسيا باسقارماسىنىڭ پروفيلاكتيكالىق ەسەبىندە 161 كامەلەتكە تولماعان جاس ءوسپىرىم تۇر.

جامبىل وبلىسىنىڭ پروكۋرورى نۇرعالىم ءابدىروۆتىڭ توراعالىعىمەن «تاراز - قاۋىپسىز قالا» جوباسىنىڭ ىسكە اسىرىلۋ ناتيجەسى قارالعان جيىندا، سونىمەن قاتار، تاراز قالاسىنىڭ اكىمى باقىتجان ورىنبەكوۆ، قالالىق ءبىلىم ءبولىمىنىڭ باسشىسى راۋشان قوجامجاروۆا اتالمىش ماسەلە توڭىرەگىندە اتقارىلىپ جاتقان جۇمىستار بويىنشا ەسەپ بەردى.

بۇعان دەيىن جامبىل وبلىسىندا 80 جاستاعى قاريا 5 جاسار قىزعا الما بەرىپ، ۇيالى تەلەفونىن الىپ كەتكەنىن جازعان بولاتىنبىز.