قازاقستاندا 4,6 مىڭنان استام ادامدا جەكە باسىن كۋاالاندىراتىن قۇجاتسىز ءومىر ءسۇرىپ كەلگەن
2020 -جىلدىڭ قىركۇيەك ايىنان باستاپ مامىر ايىنا دەيىن ىشكى ىستەر مينيسترلىگى «ادام قۇقىقتارىنىڭ زاڭدىلىعىن ساقتاۋ جونىندەگى حالىقارالىق بيۋرو» جانە «سانا سەزىم» ايەلدەر باستامالارىنىڭ قۇقىقتىق ورتالىعى» اكسيونەرلىك قوعامىمەن بىرلەسىپ ازاماتتىعى انىقتالماعان ادامداردى انىقتاۋ جانە قۇجاتتاندىرۋ بويىنشا اۋقىمدى سايكەستەندىرۋ ناۋقانىن جۇرگىزگەن بولاتىن. كوشى- قون قىزمەتى كوميتەتىنىڭ ءبولىم باسشىسى عاني شىمىربايەۆ وسى ناۋقاننىڭ العاشقى قورىتىندىسىن جاريالادى.
«اكسيانىڭ ماقساتى - قازاقستان رەسپۋبليكاسىنىڭ اۋماعىندا قۇجاتسىز نەمەسە 1974 -جىلعى ۇلگىدەگى ك س ر و پاسپورتىمەن تۇراتىن ادامدار ىشكى ىستەر ورگانىنا جۇگىنۋگە قۇقىلى ەكەنىن قوعامعا جەتكىزۋ. قۇجاتسىز ادامداردىڭ كوبى ت م د ەلدەردەن جارامسىز پاسپورتتارمەن كەلگەن نەمەسە 1974 -جىلعى ۇلگىدەگى ك س ر و پاسپورت يەلەرى»، - دەيدى عاني شىمىربايەۆ.
ناۋقان ناتيجەسىندە 4686 قۇجاتسىز ادام انىقتالعان. ولاردىڭ كوپشىلىگى - الماتى (599)، قاراعاندى (541)، تۇركىستان (426) اقمولا (326)، جامبىل (350) جانە وبلىستارىندا تۇرادى. ونىڭ ىشىندە 2431 ادامعا ق ر ازاماتىنىڭ قۇجاتى، 977 تۇلعاعا ازاماتتىعى جوق ادامنىڭ كۋالىگى بەرىلدى. كەيىن ولار ازاماتتىق تا الادى.
«قۇجاتسىز تۇراتىن ادامداردى انىقتاۋ بويىنشا ۇكىمەتتىك ەمەس ۇيىمدارمەن بىرلەسكەن ناۋقان جۇمىسى اياقتالعانىنا قاراماستان، اۋماقتارداعى كوشى- قون قىزمەتى بولىنىستەرى قۇجاتتاندىرۋ جۇمىسىن تۇراقتى نەگىزدە جۇرگىزە بەرەدى»، - دەدى عاني شىمىربايەۆ.
