ەلدە ەڭبەككە قابىلەتتى جاستاعى 4,5 ميلليوننان استام ايەل بار
بۇل تۋرالى ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا ق ر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ كەزەكتى وتىرىسىندا ايتتى، دەپ حابارلايدى قازاقپارات.
ءمينيستردىڭ ايتۋىنشا، ەلدە ەڭبەككە قابىلەتتى جاستاعى ايەلدەر سانى - 4,5 ميلليوننان استام، ونىڭ 75 پايىزى ەكونوميكانىڭ ءتۇرلى سالالارىندا ەڭبەك ەتەدى.
«ايەلدەر اراسىنداعى جۇمىسسىزدىقتىڭ جوعارى ۇلەسىن، ەڭبەككە قابىلەتتى جاستاعى ايەلدەردىڭ جوعارى ۇلەسىن جانە 2000-جىلدارى تۋعاندار ەسەبىنەن ولاردىڭ سانىن كوبەيتۋ ىقتيمالدىعىن ەسكەرە وتىرىپ، ايەلدەردى جۇمىسقا ورنالاستىرۋ ماسەلەسى ەرەكشە نازار اۋدارۋدى قاجەت ەتەدى. وسىعان بايلانىستى وڭىرلىك جۇمىسپەن قامتۋ كارتالارى شەڭبەرىندە 947 مىڭنان استام ادامدى، ونىڭ ىشىندە ايەلدەردى جۇمىسقا ورنالاستىرۋمەن قامتاماسىز ەتۋ جوسپارلانىپ وتىر. بۇگىنگى تاڭدا 267 مىڭعا جۋىق ادام جۇمىسقا ورنالاستىرىلدى، ونىڭ 60,5 پايىزى نەمەسە 161,4 مىڭى - ايەل» ، - دەدى تامارا دۇيسەنوۆا.
جۇمىسسىز ايەلدەردىڭ ساناتتارىن ايقىنداۋدا وتباسىنىڭ سيفرلىق كارتاسى باعدار بولادى. و ت س ك دەرەكتەرى بويىنشا جۇمىسقا ورنالاستىرىلعان ايەلدەردىڭ 49 پايىزى (79,1 مىڭ) - جاستار. سونداي-اق، كوپ بالالى (18,5 مىڭ)، مۇگەدەكتىگى بار (3,7 مىڭ) ادامدار جانە مۇگەدەكتىگى بار بالالاردى تاربيەلەپ وتىرعان (3,1 مىڭ) ايەلدەر جۇمىسقا ورنالاستىرىلعان.
سونداي-اق، تالداۋ كورسەتكەندەي، جۇمىسپەن قامتىلعان ايەلدەردىڭ 51,3 پايىزى بەلسەندى جۇمىس ىزدەۋدە بولعان، جۇمىس ىستەيتىن ايەلدەردىڭ 98 پايىزدان استامى كاسىپكەرلىك قىزمەتتى باستاعان.
جۇمىسقا ورنالاسۋ فاكتىلەرى مىندەتتى زەينەتاقى جارنالارىمەن راستالادى. ماسەلەن، جۇمىسقا ورنالاستىرىلعان ايەلدەردىڭ 84 پايىزدان استامى بويىنشا وسىلاي راستالعان.
«قولدانىستاعى جۇمىسپەن قامتۋ تەتىكتەرىنىڭ ارقاسىندا 114 مىڭ وتباسىندا ەڭبەك تابىسى پايدا بولدى، ال 47 مىڭ وتباسىندا جۇمىس ىستەيتىن وتباسى مۇشەلەرىنىڭ سانىنىڭ ارتۋىنا بايلانىستى تابىسى ءوستى»، - دەپ اتاپ ءوتتى تامارا دۇيسەنوۆا.
