قىرعىزستاندا 4,5 بالدىق جەر سىلكىنىسى بولدى

استانا. قازاقپارات - ءبىلىم جانە عىلىم مينيسترلىگى عىلىم كوميتەتىنىڭ سەيسمولوگيالىق تاجىريبەلىك- ادىستەمەلىك ەكسپەديتسياسى مەملەكەتتىك مەكەمەسىنىڭ سەيسميكالىق ستانسالار جەلىسى بۇگىن الماتى ۋاقىتىمەن 11 ساعات 24 مينۋت 12 سەكۋند كەزىندە جەر سىلكىنىسىن تىركەدى، دەپ حابارلايدى قازاقپارات.

تەربەلىس وشاعى الماتى قالاسىنان وڭتۇستىك- باتىسقا قاراي 338 شاقىرىم جەردە، قىرعىزستان اۋماعىندا بولعان. «ءزىلزالانىڭ ەنەرگەتيكالىق ساناتى - 9.9. MPV ماگنيتۋداسى - 4,5. تەرەڭدىگى - 10 ك م. MSK-64 باعانى بويىنشا سەزىلۋ تۋرالى اقپارات تۇسكەن جوق»، - دەلىنگەن «الماتى» كەزەكشى وپەراتورىنىڭ حابارلاماسىندا.

اۆتور

بالنۇر قوجاگەلدى