الماتىدا بالالاردىڭ ۇيىرمەلەرگە تەگىن قاتىسۋى ءۇشىن 4,5 ميلليارد تەڭگە بولىنەدى - قالا اكىمى
بۇل تۋرالى الماتى اكىمى ەربولات دوسايەۆ ءماسليحات سەسسياسىندا ءمالىم ەتتى، دەپ حابارلايدى قازاقپارات ءتىلشىسى.
الماتى اكىمىنىڭ مالىمەتىنشە، الماتىدا بۇگىندە 44 مىڭنان استام بالا 594 سپورت سەكتسياسىنا، 56 مىڭ بالا 1179 شىعارماشىلىق ۇيىرمەگە تەگىن قاتىسادى.
«بۇل پرەزيدەنتىمىزدىڭ باستاماسى. ونى الماتىلىقتار جاقسى قابىلداپ وتىر. سەبەبى، ءتۇسىپ جاتقان وتىنىشتەر لەگى وتە كوپ. بۇل 2,6 ميلليارد تەڭگە سوماسىنا كرەديتتىك بەرەشەكتىڭ قالىپتاسۋىنا سەبەپ بولدى (1,7 ميلليارد ت گ. - سپورت، 900 ميلليون ت گ. - مادەنيەت). وسىعان بايلانىستى، پرەزيدەنتتىڭ تاپسىرماسىن ورىنداۋ ماقساتىندا ءبىز قوسىمشا 4,5 ميلليارد تەڭگە قاراستىرىپ وتىرمىز. ونىڭ 3 ميلليارد تەڭگەسى سپورت سەكسيالارىنا جانە 1,5 ميلليارد تەڭگەسى شىعارماشىلىق ۇيىرمەلەرگە بولىنەدى»، - دەدى ەربولات دوسايەۆ.
الماتى اكىمى سونداي- اق جازعى مەكتەپ دەمالىسىن ەسكەرە وتىرىپ، بيىل 1-قىركۇيەككە دەيىن الماتى قالاسى وزىنە العان بارلىق مىندەتتەمەلەردى ورىندايتىنىن مالىمدەدى.
اۆتور: دۋمان ارعىنگەلدى
