الماتىدا «سەرگەك» ارقىلى 4,5 ميلليارد تەڭگە ايىپپۇل سالىنعان

بۇل تۋرالى الماتى اكىمى باقىتجان ساعىنتايەۆ ورتالىق كوممۋنيكاتسيالار قىزمەتىندە وتكەن بريفينگتە ايتتى، دەپ حابارلايدى قازاقپارات ءتىلشىسى.

باقىتجان ساعىنتايەۆتىڭ ايتۋىنشا، الماتىدا جىل باسىنان بەرى 404 «سەرگەك» اپپاراتتىق- باعدارلامالىق كەشەنى ىسكە قوسىلدى، ونىڭ 21 ى الماتىعا كىرىپ-شىعاتىن جولدارعا ورناتىلعان. «سەرگەك» كامەرالارى 10 ايدىڭ ىشىندە 650 مىڭنان استام جول ەرەجەسىن بۇزۋ فاكتىسىن تىركەدى. 4,5 ميلليارد تەڭگەگە ايىپپۇل سالىندى ونىڭ 2,6 ميلليارد نەمەسە %57,7 ءوندىرىلدى. سونداي-اق، مودۋلدىك پوليتسيا پۋنكتىلەرىن ورناتۋ جوباسى ءوزىن اقتادى. بۇعان دالەل - پۋنكتىلەر ورنالاسقان اۋداندارداعى قىلمىس دەڭگەيىنىڭ تومەندەۋى. سونىمەن قاتار، بۇل تۋرالى جەرگىلىكتى تۇرعىندار دا ايتىپ ءجۇر»، - دەيدى باقىتجان ساعىنتايەۆ.

قوعامدىق قاۋىپسىزدىكتى قامتاماسىز ەتۋگە كۇندەلىكتى 2 مىڭنان استام پوليتسيا قىزمەتكەرى مەن ق ر ءىىم ۇلتتىق گۆاردياسىنىڭ اسكەري قىزمەتكەرلەرى جۇمىلدىرىلادى. ولار 550 باعىت بويىنشا جۇمىس ىستەيدى، ونىڭ ىشىندە 300 كولىك جانە 250 جاياۋ باعىت بار.