10:58, 05 - جەلتوقسان 2019 | GMT +6
بەيجىڭ ماڭىندا 4,5 بالدىق جەر سىلكىنىسى بولدى
بەيجىڭ. قازاقپارات- بەيسەنبى كۇنى بەيجىڭنەن 13 كيلومەتر قاشىقتىقتا ورنالاسقان تانشان قالاسىندا 4,5 بالدىق جەر سىلكىنىسى بولدى، دەپ حابارلايدى «قازاقپارات» ح ا ا مەنشىكتى ءتىلشىسى قىتاي سەيسمولوگيالىق ورتالىعىنا سىلتەمە جاساپ.
حابارلامادا ايتىلعانداي، جەراستى ءدۇمپۋىنىڭ ەپيتسەنترى جەرگىلىكتى ۋاقىت بويىنشا ساعات 08:02 دە حەبەي پروۆينتسياسى تانشان قالالىق وكرۋگىنىڭ فەننان اۋدانى ايماعىندا تىركەلگەن.
«ماگنيتۋداسى 4,5، ءزىلزالا وشاعىنىڭ تەرەڭدىگى 10 كيلومەتر»، - دەلىنگەن حابارلامادا.
قۇربان بولعاندار تۋرالى اقپارات كەلىپ تۇسكەن جوق. تانشان قالاسىندا 8 ميلليونعا جۋىق ادام تۇرادى. الەۋمەتتىك جەلى قولدانۋشىلارىنىڭ ايتۋىنشا، ءدۇمپۋ بەيجىڭ مەن تيانجيڭ سەكىلدى قىتايلىق مەگاپوليستەردە دە سەزىلگەن.