قازاقستاندا ونەركاسىپتىك ءوندىرىس كولەمى 4,5 پايىز ۇلعايدى
دەپ حابارلايدى قازاقپارات ق ر ۇلتتىق ەكونوميكا مينيسترلىگى ستاتيستيكا كوميتەتىنە سىلتەمە جاساپ.
بيىل قاڭتار- قاراشادا بىلتىرعى كورسەتكىشپەن سالىستىرعاندا شيكى مۇناي، تابيعي گاز جانە مەتالل كەندەرىن ءوندىرۋ كولەمى ارتقان. ازىق- تۇلىك، تەمەكى بۇيىمدارى، مۇناي وڭدەۋ، حيميالىق ونەركاسىپ ونىمدەرى، رەزەڭكە جانە پلاستماسسا بۇيىمدارى، مەتاللۋرگيالىق ونەركاسىپ جانە ماشينا جاساۋ ءوندىرىسى ۇلعايعان. ءبىراق، سۋسىندار ءوندىرىسى تومەندەگەن.
اتاپ ايتقاندا، مۇناي ءوندىرىسى، سونىڭ ىشىندە گاز كوندەنساتى 82,4 ميلليون توننا (بىلتىرعىدان 4,9 پايىز كوپ)، مىس رۋدالارى - 94,7 ميلليون توننا (7,4) بولعان. بەنزين كولەمى 3,6 ميلليون توننا (28,9)، گاز مايى ديزەل وتىنى - 4,3 ميلليون توننانى (8,3) قۇراپ وتىر.
رەسپۋبليكانىڭ 14 وڭىرىندە ونەركاسىپتىك ونىمدەردى ءوندىرۋ كولەمىنىڭ ارتقانى بايقالدى.