ا ق ش- تا ءۇش قازاقستاندىق 4,5 ميلليون دوللار كولەمىندەگى قارجىعا الاياقتىق جاساعاندار قاتارىندا ايىپتالىپ وتىر

 استانا. قازاقپارات - ا ق ش- تا 25 ادامنان تۇراتىن قىلمىستىق توپقا ءىرى كولەمدە الاياقتىق جاسادى دەگەن ايىپ تاعىلىپ وتىر.

قىلمىستىق توپ مۇشەلەرىنىڭ قاتارىندا قازاقستاندىقتار دا بار. كۇدىكتىلەردىڭ كىناسى دالەلدەنسە، باس بوستاندىعىنان ايىرىلۋى مۇمكىن.

بۇل تۋرالى ر ي ا نوۆوستي اگەنتتىگىنە سىلتەمە جاساپ Stan.kz حابارلايدى.

ا ق ش- تىڭ ادىلەت مينيسترلىگىندە حابارلانعانداي، قىلمىستىق توپ شەتەلدىك ازاماتتاردان قۇرالعان. توپ مۇشەلەرىنىڭ قاتارىندا رەسەي، ۋكراينا، لاتۆيا جانە قازاقستان ازاماتتارى بار.

ولارعا تاعىلىپ وتىرعان ايىپتاۋعا سايكەس، كۇدىكتىلەر ادامداردى الداپ، جوق بوپ سانالاتىن اۆتوكولىك ءۇشىن اقشا الىپ كەلگەن. زارداپ شەگۋشىلەرگە جالپى سوماسى 4,5 ميلليون دوللار (1 ميلليار 550 ميلليون تەڭگەدەن اسا) شىعىن كەلگەن.

نيۋ-يورك پوليتسياسىنىڭ مالىمەتىنشە، توپتىڭ 10 نان اسا مۇشەسى ءتۇرلى شتاتتاردا ۇستالعان. قالعاندارى ءالى قاشىپ ءجۇر.

اتالعان ءىستىڭ بارلىق فيگۋرانتى 20 جىلدان 30 جىلعا دەيىن باس بوستاندىعىنان ايىرىلۋى مۇمكىن.