ءبىر جىلدا شىعىس قازاقستان وبلىسىنا قىتايدان 4,5 مىڭ تۋريست كەلگەن
«2016 -جىلدىڭ باسىنان بەرى شىعىس قازاقستان وبلىسىنا توپتىق ۆيزا اياسىندا 4,5 مىڭ قىتايلىق تۋريست بارعان. العاش رەت قىتاي حالىق رەسپۋبليكاسىنىڭ «بارۋعا بولاتىن ەل» دەگەن باعاسىن الدىق. وبلىستىڭ 11 تۋروپەراتورى وسى باعىتتا جۇمىس ىستەپ كەلەدى. جىلىنا قىتاي حالىق رەسپۋبليكاسىنان ءتورت تۋريستىك توپ كەلدى»، - دەدى قازاقستاننىڭ وڭىرلەرىن دامىتۋ جونىندەگى ەۋروپالىق وداقتىڭ ارنايى جوباسىنىڭ اشىلۋ سالتاناتىندا ش ق و اكىمدىگىنىڭ تۋريزم جانە سىرتقى بايلانىسار باسقارماسى ءبولىم باسشىسىنىڭ مىندەتىن اتقارۋشى كاميلا لۇقپانوۆا. ەستەرىڭىزگە سالا كەتەيىك، قازاقستان رەسپۋبليكاسىنا كەلەتىن ق ح ر ازاماتتارىنا جەڭىلدەتىلگەن توپتىق ۆيزا بەرۋ تۋرالى كەلىسىمگە 2015 -جىلدىڭ 14 -جەلتوقسانىندا قول قويىلعان بولاتىن. قازىر قازاقستان بويىنشا 63 تۋريستىك وپەراتور قىتاي ازاماتتارىن وسى جۇيەمەن قابىلداۋعا قۇقىلى.
اۆتور: كەنجەكەي توقتامۇرات قىزى
