07:54, 31 - مامىر 2016 | GMT +5
مەتەوريتتەن جاسالعان تاپانشا 4,5 ميلليون دوللارعا ساتىلۋدا
استانا. قازاقپارات - Cabot Guns كومپانياسى جاسى 4,6 ميلليارد جىلدىق مەتەوريت سىنىعىنان جاسالعان الەمدەگى ەڭ قىمبات م 1911 ماركىلى ەكى تاپانشانى ساتۋعا شىعاردى، دەپ حابارلايدى Guns.
اسپان دەنەسى جەرگە جارتى ميلليون جىل بۇرىن قۇلاعان، ونىڭ سىنىعى جاقىندا عانا قارۋ شىعاراتىن كومپانيا زەرگەرلەرىنىڭ قولىنا تيگەن.
شەبەرلەر ودان ءارقايسىسىنىڭ قۇنى 4,5 ميلليون دوللار تۇراتىن ەكى تاپانشا جاسادى.
اسپان دەنەسىنىڭ ماتەريالىنان تاپانشانىڭ سىرتى عانا ەمەس، ىشىكى تەتىكتەرى دە جاسالعان. مەتەوريتتىڭ ادەمى كورىنۋىنە جەر بەتىندە قايتالاۋ قيىن ۆيدمانشتەتتىك قورتپا قۇرىلىمى سەبەپشى.
تاپانشا تەكسەرىلگەن، جاقسى اتىلادى. ولار - ساتۋدا بولعان اتىس قارۋىنىڭ ەڭ قىمبات ءتۇرى، دەپ جازادى كومپانيا سايتى.
