استانادا 4-5- شىلدەدە «ءبورىلى بايراق» اتتى ايتىس وتەدى
جىلداعى ءداستۇر بويىنشا ەلورداسى - استانا كۇنىنە وراي «مىڭجىلدىقتار توعىسىنداعى استانا»، «كوشپەندىلەر وركەنيەتى» فەستيۆالى اياسىندا وتەتىن ءسوز سايىسىندا 16 ايتىسكەر باق سىناماق.
اتاپ ايتقاندا، كوپشىلىككە كەڭىنەن تانىمال سەرىكزات دۇيسەنعازى (استانا)، ايبەك قالييەۆ (ارقالىق)، باۋىرجان حاليوللا (ورال)، جارقىنبەك ناۋشابەكوۆ (و ق و)، رينات زايىتوۆ (الماتى)، يران-عايىپ كۇزەمبايەۆ (استانا)، زۋرا ءشايدىمۇرات قىزى (الماتى)، قاليجان بىلداشيەۆ (شىمكەنت)، بوتاگوز مۇحيدەن قىزى (استانا)، ەرشات قايبولديندەرمەن (اقتوبە) قاتار ايتىس ساحناسىنا جاڭادان كوتەرىلىپ كەلە جاتقان جاس جۇيرىكتەر ونەر كورسەتەدى.
استانا قالاسى اكىمشىلىگىنىڭ قولداۋىمەن الداعى كۇندەرگە جوسپارلانىپ وتىرعان ايتىس «حان-شاتىر» ساۋدا، ويىن-ساۋىق ورتالىعىنىڭ ماڭىنداعى ەتنواۋىل الاڭىندا وتەدى. كەلىڭىزدەر، ءتول ونەر تارلاندارىن توردەن كورەيىك، اعايىن!
وتەتىن ۋاقىتى: 4-5- شىلدە، باستالۋى ساعات 19.30.
aitysker.com
