جىل باسىنان بەرى قازاقستان 4,5 مىڭ توننا ەت ەكسپورتتادى
بۇل تۋرالى بۇگىن وتكەن اۋىل شارۋاشىلىعى مينيسترلىگىنىڭ القا وتىرىسىندا مال شارۋاشىلىعى جانە مال شارۋاشىلىعى ونىمدەرىن قايتا وڭدەۋ دەپارتامەنتىنىڭ ديرەكتورى ەركەبۇلان احمەتوۆ ايتتى.
«2014 -جىلى وبلىس اكىمدىكتەرى «قازاگرو» حولدينگىمەن جانە مينيسترلىكپەن بىرگە سيىر ەتىن ەكسپورتتاۋ بويىنشا ءبىرقاتار مەموراندۋمدارعا قول قويعان بولاتىن. مەموراندۋم بويىنشا سىرتقا شىعارىلۋى ءتيىس سيىر ەتىنىڭ 2014 -جىلعى جوسپارلىق كورسەتكىشى 9,7 مىڭ توننا بولاتىن. اتالعان كەلىسىمدى ىسكە اسىرۋدى مونيتورينگىلەۋ قورىتىندىسى بويىنشا، جىل سوڭىندا 6,3 مىڭ توننا ەت ەكسپورتتالدى، بۇل جوسپاردىڭ 65 پايىزىن قۇرايدى. سيىر ەتىن ەكسپورتتاۋدىڭ نەگىزگى بولىگى باتىس قازاقستان وبلىسىنا تيەسىلى - 32 پايىز. الماتى، جامبىل، اقمولا جانە قاراعاندى وبلىستارى بويىنشا جوسپار ورىندالعان جوق. بيىلعى جىلى مەموراندۋم بويىنشا 11 مىڭ توننا ەت ەەسپورتقا جىبەرىلۋى كەرەك. دەگەنمەن، ءرۋبلدىڭ قۇنى تۇسۋىنە بايلانىستى، ەكسپورت كولەمى دە ازايادى دەگەن بولجامىمىز بار. وسىلايشا، بيىلعى 5 ايدا 4,5 مىڭ توننا ەت ەكسپورتتالدى، ونىڭ ىشىندە 878 تونناسى سيىر ەتى»، - دەپ اتاپ ءوتتى ە. احمەتوۆ.
ونىڭ ايتۋىنشا، قازىرگى ۋاقىتتا قازاقستاندا سيىر ەتىن وندىرۋگە ارنالعان ينفراقۇرىلىم جاسالدى. ءبىراق كوپتەگەن وبلىستاردا بورداقىلاۋ الاڭدارىن سالۋدىڭ جوسپارلىق كورسەتكىشتەرى كوڭىل كونشىتپەي وتىر. «ءىرى قارا ەتىن ەكسپورتتاۋ الەۋەتىن دامىتۋ» جوباسى قولعا الىنعاننان بەرى 146 مىڭ باس مالعا ارنالعان 193 ەت بورداقىلاۋ الاڭى سالىنعان.
اۆتور: ءابۋ-اسقار مەكەش ۇلى
