الەمدەگى ءىرى الەۋمەتتىك جەلى 4,5 ميلليون ادامدى جۇمىسپەن قامتىپ وتىر

استانا. قازاقپارات - الەمدەگى ءىرى الەۋمەتتىك جەلىلەردىڭ ءبىرى، 1,35 ميلليارد بەلسەندى پايدالانۋشىسى بار Facebook وتكەن جىلدىڭ قورىتىندىسى بويىنشا الەمدىك ەكونوميكاعا 227 ميلليارد دوللار اكەلگەن.

سونىمەن قاتار، مارك تسۋكەربەرگتىڭ كومپانياسى 4,5 ملن جۇمىس ورنىن قۇرۋعا جاردەمدەستى. Facebook تاپسىرىسى بويىنشا Deloitte & Touche  فيرماسىنىڭ زەرتتەۋ ناتيجەسى وسىنداي.

D&T  ساراپشىلارى سايتقا قاتىسى بار كەز كەلگەن شارۋاشىلىق قىزمەتتى، گادجەتكە دەگەن سۇرانىس، عالامتور قىزمەتىن دە ەسەپتەگەن. كوپتەگەن كومپانيانىڭ بيزنەسى الەۋمەتتىك جەلىگە تاۋەلدى ەكەنىن اتاپ ءوتتى. ولار وسىلايشا جارناما جاساپ، جاڭا كليەنتتەرىن تارتادى، دەپ جازادى شەتەلدىك ب ا ق.