الەمدە ەڭ العاشقى جاساندى كوزدى 4,5 مىڭ جىل بۇرىن پايدالانعان

استانا. قازاقپارات - يراننىڭ رەسەيدەگى ەلشىسى مەحدي ساناي LiveJournal-داعى ءوز بلوگىندا الەمدەگى العاشقى جاساندى كوز جايلى ايتتى.
None
None

ونىڭ ايتۋىنشا، بۇل كوز يراندىق سيستان، بەلۋدجيستان پروۆينتسياسىنىڭ جانىپ كەتكەن قالاسىنداعى زيراتتاردىڭ بىرىنەن تابىلعان. ول 4,5 مىڭ جىل بۇرىن ءومىر سۇرگەن ايەلگە تيەسىلى بولعان.

ماماندار ازىرگە كوز قانداي ماتەريالدان جاسالعانىن انىقتاعان جوق. الايدا ونى دايىنداعاندا، جانۋارلاردىڭ مايى ارالاستىرىلعان تابيعي شايىر پايدالانعان دەگەن بولجام بار.

ارحەولوگتاردىڭ الدىن الا زەرتتەۋى كورسەتكەندەي، ايەلدىڭ قاسىنىڭ استىندا قابىنۋ بەلگىلەرى كورىنىپ تۇر. جاساندى كوزدىڭ تومەنگى بولىگى قاباققا ۇزاق ۋاقىت جاناسا بەرۋىنەن وندا قاباقتىڭ ورگانيكالىق ۇلپاسى قالىپ قويعان. جاساندى كوزدى بەكىتۋ ءۇشىن كوز شاراسىنا جاساندى كوزدىڭ شەتتەرىندەگى ەكى ساڭىلاۋدى پايدالانعان.

سوڭعى جاڭالىقتار