21:01, 24 - ماۋسىم 2014 | GMT +5
قولدان جاسالعان 4,5 ميلليون دوللار تاركىلەندى
استانا. قازاقپارات - پەرۋ پوليتسياسى قولدان جاسالعان دوللار بانكنوتتارىنىڭ ءىرى كولەمىن تاركىلەدى.

جالعان اقشا 4,5 ميلليون ا ق ش دوللارىنا جۋىقتايدى. وسى ەلدىڭ الاياقتىقپەن كۇرەس جونىندەگى مەملەكەتتىك دەپارتامەنت وكىلدەرىنىڭ حابارلاۋىنشا، جاساندى كوك قاعاز ليمانىڭ ورتالىعىنداعى جەكەمەنشىك ۇيدە باسىلىپ شىعارىلعان.
بۇل قىلمىستىق ءىس بويىنشا 2 ميلليون ا ق ش دوللارىنداي جالعان اقشانى الىپ، تاكسيمەن كەتىپ بارا جاتقان پەدرو سوسا ەسىمدى كۇدىكتى قولعا ءتۇستى. بۇدان باسقا پوليتسيا جالعان اقشانى باسىپ شىعارعان پرينتەردى دە تاركىلەدى.
24.kz