بۇگىنگە دەيىن 4 دارىگەر، 50 مەدبيكەنى اجال قۇشتىرعان اۋىر ىندەت
«ىندەتپەن كۇرەستە تاعى ءبىر قايراتكەرىمىزدىڭ كوز جۇمۋى بىزدەر ءۇشىن ۇلكەن قايعى»، - دەپ حابارلادى اگەنتتىككە مينيسترلىك وكىلى بريما كارگبو.
سەررا-لەونەدەگى ىندەتتەن مەديتسينا قىزمەتكەرلەرى اراسىندا ولگەن العاشقى ايەل دوكتور وليۆيا باك بولدى. بۇدان بۇرىن ءۇش دارىگەردىڭ قايتىس بولعانى حابارلاندى. سونىمەن بىرگە 50 گە تارتا مەدبيكە وسى ۆيرۋستان قازاعا ۇشىراپ وتىر.
دۇنيەجۇزىلىك دەنساۋلىق ساقتاۋ ۇيىمى بۇدان بۇرىن ەبولا ۆيرۋسىنىڭ قۇرباندارى 2,4 مىڭ ادامعا جەتكەنى تۋرالى اقپارات تاراتتى، وسى ىندەتتى بارلىعى 4,7 مىڭنان استام ادام جۇقتىردى. د د س ۇ تۇتاستاي العاندا باتىس افريكا اۋماعىندا ىندەت ودان ءارى شاپشاڭ تارالىپ كەلە جاتقانىن ءمالىم ەتتى.
قازىرگى كەزدە ىندەتتى جۇقتىرۋ ليبەريادا، سەررا-لەونەدە، گۆينەيادا، نيگەريادا، كونگو دەموكراتيالىق رەسپۋبليكاسىندا جانە سەنەگالدا تىركەلگەن. ىندەتتى جۇقتىرعانداردىڭ 53 پايىزى ءولىپ كەتكەن. ازىرگە ۆيرۋسقا قارسى ءتيىمدى ۆاكتسينا بولماي تۇر.
