مىسىردا 4,4 مىڭ جىل بۇرىنعى پاتشايىمنىڭ بەيىتى تابىلدى

استانا. قازاقپارات - مىسىر ارحەولوگتارى شامامەن 4,4 مىڭ جىل بۇرىن ايەل پاتشا جەرلەنگەن قابىردى تاپتى. بۇل جايلى BBC حابارلايدى.

مولا گيزا ۇستىرتىندە، حەوپس پيراميداسىنىڭ وڭتۇستىك تۇسىندا جۇرگىزىلگەن قازبا جۇمىستارى كەزىندە تابىلعان.

مىسىردىڭ ەجەلگى ەسكەرتكىشتەر جونىندەگى مينيسترلىگىنىڭ حابارلاۋىنشا، كاير ماڭىندا ورنالاسقان مولانىڭ قابىرعالارىنداعى حەتپەت پاتشايىمنىڭ بەينەلەرى تۇسىرىلگەن فرەسكالار جاقسى ساقتالعان.

حەتپەت ونىمدىلىك قۇدايى حاتحورعا قىزمەت ەتەدى. ەجەلگى مىسىرلىقتاردىڭ نانىمى بويىنشا، حاتحور ايەلدەردىڭ بوساناتىن كەزىندە جەبەۋشىسى بولعان.