قىتايدا اۆتوبۋس جۇك كولىگىنە سوقتىعىسىپ، 4 ادام قازا تاپتى، 48 ى زارداپ شەكتى
استانا. قازاقپارات - قىتايلىق تيانجيندە جۇك كولىگى مەن اۆتوبۋستىڭ سوقتىعىسۋى سالدارىنان 4 ادام اجال قۇشىپ، تاعى 48 ادام زارداپ شەكتى، دەپ حابارلادى «شينحۋا» جەرگىلىكتى بيلىككە سىلتەمە جاساپ.
جول قيىلىسىندا اۆتوبۋس سەمەنت اكەلە جاتقان جۇك كولىگىمەن سوقتىعىسىپ، اۋدارىلعانى اتاپ وتىلەدى. زارداپ شەككەندەردىڭ بارلىعى اۋرۋحاناعا جەتكىزىلدى، ولاردىڭ ىشىندە جاعدايى اۋىرلارى جوق.
