بيىل «نۇرلى جول» اياسىندا 4,4 مىڭ شاقىرىمدى قۇرايتىن 22 اۆتوجول جوباسى جۇزەگە اسىرىلادى
بۇل تۋرالى بۇگىن ۇكىمەتتە «نۇرلى جول» مەملەكەتتىك باعدارلاماسىنىڭ 2017 -جىلدىڭ I- جارتىجىلدىعىندا ىسكە اسىرىلۋىنىڭ نەگىزگى قورىتىندىسىن تالقىلاۋ بارىسىندا ق ر ينۆەستيتسيالار جانە دامۋ ءمينيسترى جەڭىس قاسىمبەك ءمالىم ەتتى، دەپ حابارلايدى قازاقپارات.
«مەملەكەت باسشىسىنىڭ تاپسىرماسىنا سايكەس «نۇرلى جول» مەملەكەتتىك باعدارلاماسى جۇزەگە اسىرىلۋدا. ونىڭ نەگىزگى مىندەتتەرىندە 7 مىڭ شاقىرىم جولدىڭ قۇرىلىسى مەن قايتا جاڭعىرتىلۋى، 6,5 مىڭ شاقىرىم جولعا كەزەڭ- كەزەڭىمەن اقىلى جۇيەنى ەنگىزۋ، ترانزيتتىك كونتەينەر تاسىمالىن 2 ميلليون كونتەينەرگە دەيىن، ترانزيتتىك اۋە جولاۋشىلار اعىنىن 1,6 ميلليون ادامعا دەيىن ارتتىرۋ جانە ترانزيتتىك تاسىمال كىرىسىن 4 ميلليارد ا ق ش دوللارىنا دەيىن كوتەرۋ كوزدەلگەن»، - دەدى ول.
ءمينيستردىڭ دەرەگىنشە، «نۇرلى جول» مەملەكەتتىك باعدارلاماسى جۇزەگە اسىرىلا باستاعاننان بەرى 2015-2016 -جىلدارى رەسپۋبليكالىق ماڭىزداعى 2 مىڭ شاقىرىم اۆتوجولدىڭ قۇرىلىسى جۇرگىزىلىپ، قايتا جاڭعىرتۋدان وتۋدە. ونىڭ 1,3 مىڭ شاقىرىمى پايدالانۋعا بەرىلگەن.
«اتاپ ايتقاندا، باتىس ەۋروپا - باتىس قىتاي حالىقارالىق ترانزيتتىك ءدالىزى، استانا - تەمىرتاۋ، الماتى - قاپشاعاي جانە كوكشەتاۋ - پەتروپاۆل ۋچاسكەلەرى تولىق اياقتالدى. اعىمداعى جىلى مەملەكەتتىك باعدارلاما اياسىندا جالپى ۇزىندىعى 4,4 مىڭ شاقىرىمدى قۇرايتىن 22 اۆتوجول جوباسىن جۇزەگە اسىرۋ كوزدەلگەن. جوبانى جۇزەگە اسىرۋ ءۇشىن ۇلتتىق قوردان، رەسپۋبليكالىق بيۋدجەتتەن جانە حالىقارالىق قارجى ينستيتۋتتارىنان 356 ميلليارد تەڭگە قاراستىرىلعان»، - دەدى جەڭىس قاسىمبەك.
اۆتور: مارلان جيەمباي
