08:53, 31 - شىلدە 2023 | GMT +5
الماتى- وسكەمەن تراسساسىندا 4 ادام مەرت بولىپ، 3 بالا اۋرۋحاناعا ءتۇستى
تالدىقورعان. قازاقپارات - جەتىسۋ وبلىسىندا جول اپاتىنان ءتور ادام قازا بولدى، دەپ حابارلايدى قازاقپارات Polisia.kz-كە سىلتەمە جاساپ.

اپات الماتى- وسكەمەن اۆتوجولىنىڭ 453-شاقىرىمىندا بولدى.
Hyundai Veracruz كولىگىنىڭ 38 جاستاعى جۇرگىزۋشىسى باسىپ وزۋ مانيەۆرىن جاساۋ كەزىندە رۋلگە يە بولا الماي قالعان. سالدارىنان Daf FTXF 105 اۋىر جۇك كولىگىمەن سوقتىعىسقان. كەيىن ينەرتسيامەن Volkswagen Passat كولىگىنە سوعىلعان.
«اپاتتان Hyundai جۇرگىزۋشىسى جانە ونىڭ ءۇش جولاۋشىسى سول جەردە كوز جۇمدى. اتالعان كولىكتە بولعان تاعى ءۇش بالا ءتۇرلى دەنە جاراقاتتارىمەن اۋداندىق اۋرۋحاناعا جاتقىزىلدى. سوتقا دەيىنگى تەرگەۋ امالدارى باستالدى»، - دەلىنگەن مالىمەتتە.