قىتايدان تاۋار تاسىعان كاسىپكەر زاڭسىز جولمەن 4,2 ميلليارد تەڭگە تابىس تاپقان

قونايەۆ. قازاقپارات - قارجىلىق مونيتورينگ اگەنتتىگىنىڭ الماتى وبلىسى بويىنشا دەپارتامەنتى «Eurotransit Nur Zholy» ج ش س- نە قاتىستى سوتقا دەيىنگى تەرگەپ- تەكسەرۋدى اياقتادى، دەپ حابارلايدى قازاقپارات.

اتالعان زاڭدى تۇلعا قىتاي حالىق رەسپۋبليكاسىنىڭ بەيتاراپ اۋماعىنان قازاقستان رەسپۋبليكاسىنا جۇك تاسىمالداۋشى جالعىز وپەراتور بولا تۇرا، اتالعان قىزمەتكە باعانى زاڭسىز وسىرگەن.

«اتاپ ايتقاندا، كومپانياعا تيەسىلى بوس جۇك ماشينالارى ق ح ر- دىڭ بەيتاراپ جاعىنان تاۋار تيەپ، ج ش س قويماسىنا قايتا ورالىپ وتىرعان. بۇل قىزمەتى ءۇشىن باعانى، ياعني ءبىر رەيسكە (ۇزاقتىعى 3 ك م) زاڭسىز جولمەن قىمباتتاتقان. مونوپوليستىك قىزمەتتەن تۇسكەن تابىس 4,2 ميلليارد تەڭگەنى قۇرادى»، - دەپ جازدى ۆەدومستۆودان.

تەرگەپ- تەكسەرۋ بارىسىندا ءوز كىناسىن مويىنداعان ج ش س باسشىلىعىنان مەملەكەت كىرىسىنە قۇنى 5,3 ميلليارد تەڭگەدەن اسا ج ش س اكتيۆتەرىن (اۋماعىندا كولىك- لوگيستيكالىق ۇيىم ورنالاسقان 3,6 گ ا جەر تەلىمى) اۋدارۋ تۋرالى ءوتىنىشحات ءتۇستى.

اگەنتتىك ادال بيزنەسكە جاساندى كەدەرگىلەر مەن مونوپولياعا قارسى كۇرەس جۇمىستارى جالعاسا بەرەتىنىن مالىمدەدى.

رەداكتور

اسحات رايقۇل