الەۋمەتتىك تولەمدەردى 4 پايىز يندەكستەۋگە 185 ميلليارد تەڭگە سۇراپ وتىرمىز - ۆيتسە-مينيستر

نۇر-سۇلتان. قازاقپارات – ق ر ەڭبەك جانە حالىقتى الەۋمەتتىك قورعاۋ ۆيتسە-ءمينيسترى رۋسلان ساكەيەۆ ورتالىق كوممۋنيكاتسيالار قىزمەتىندە وتكەن بريفينگىدە الەۋمەتتىك تولەمدەردى 4 پايىز يندەكستەۋگە 185 ميلليارد تەڭگە سۇراپ وتىرعانىن ايتتى، دەپ حابارلايدى قازاقپارات ءتىلشىسى.
None
None

«الەم ەكونوميكاسىنداعى جاعدايدىڭ ەلدەگى الەۋمەتتىك-ەكونوميكالىق احۋالعا تەرىس اسەرىن تومەندەتۋ ءۇشىن سەناتتا قارالىپ جاتقان بيۋجەت جوباسىندا ازاماتتارعا الەۋمەتتىك قولداۋدى كۇشەيتۋگە قوسىمشا 185 ميلليارد تەڭگە سۇراپ وتىرمىز. اتالعان قاراجاتتى زەينەتاقى، جاردەماقى جانە الەۋمەتتىك تولەمدەردىڭ كولەمىن قوسىمشا 4 پايىزعا يندەكستەۋگە باعىتتاپ وتىرمىز»، - دەدى ءمينيستردىڭ ورىنباسارى.

ونىڭ ايتۋىنشا، بۇل جوبا قولداۋ تاپسا، رەسپۋبليكالىق بيۋجەتتىڭ شىعىس بولىگىندە الەۋمەتتىك تولەمدەردىڭ ۇلەسى 25 پايىزعا جەتەدى.

«جالپى العاندا، بۇل 2021-جىلعى مولشەرمەن سالىستىرعاندا زەينەتاقىنىڭ 11 پايىز ءوسۋىن، بازالىق زەينەتاقى مەن باسقا تولەمدەردىڭ 9 پايىز ءوسۋىن قامتاماسىز ەتەدى. ناتيجەسىندە الەۋمەتتىك قامسىزداندىرۋعا جانە حالىقتى جۇمىسپەن قامتۋعا جاردەمدەسۋ شارالارىنا جۇمسالاتىن شىعىننىڭ جالپى كولەمى 4,4 تريلليون تەڭگەدەن اسادى نەمەسە رەسپۋبليكالىق بيۋجەت شىعىنىنىڭ 25 پايىزىن قۇرايدى»، - دەدى رۋسلان ساكەيەۆ.

ۆيتسە-ءمينيستردىڭ مالىمەتى بويىنشا، ەكىنشى دۇنيەجۇزىلىك سوعىس مۇگەدەكتەرى اي سايىن 201 مىڭ تەڭگەدەن الىپ وتىر.

سوڭعى جاڭالىقتار